Co Bayden hökuməti Qəzzədə minlərlə mülki şəxsin şəhid olmasına baxmayaraq, əvvəlcə iddia edirdi ki, mülki insanlara dəyən zərər “qəsdən deyil, qeyri-ixtiyari” olub. Lakin indi ABŞ Dövlət Departamentinin keçmiş sözçüsü etiraf edib ki, İsrailin Qəzzədəki hərəkətləri “hərbi cinayətdir”.
Xarici KİV-in məlumatına əsasə, Amerika Beynəlxalq Siyasət Mərkəzinin icraçı vitse-prezidenti Metyu Das “Foreign Policy” jurnalındakı məqaləsində keçmiş prezident Co Baydeni Qəzzə haqqında yalan danışmaqda ittiham edib.
Amerikalı ekspert vurğulayıb ki, Bayden administrasiyası İsrailin Qəzzədəki cinayətlərindən tam xəbərdar olmasına baxmayaraq, rejimə silah göndərməkdə davam edib.
Bu silah dəstəyi bir çox Qərb ekspertlərinin İsrailin baş naziri Benyamin Netanyahunun Qəzzədə müharibəni yalnız öz “siyasi sağ qalması” üçün uzatdığına inandığı bir vəziyyətdə baş verib.
“Foreign Policy” daha sonra qeyd edib ki, Bayden administrasiyası Qəzzə ilə bağlı yaydığı yalanlara görə məsuliyyət daşımalıdır. Amerika nəşri müharibə cinayətlərinə biganəliyi və bu vəzifədə iştirak edənlərin cəzalandırılmamasını “ABŞ-da demokratiyanın zəifləməsi” amili kimi qiymətləndirib. Bir neçə həftə əvvəl Bayden administrasiyasının Dövlət Departamentinin sözçüsü Metyu Miller etiraf etdi ki, “İsrail, şübhəsiz ki, Qəzzədə hərbi cinayətlər törədib”.
Nəşr, həmçinin yazıb ki, Bayden administrasiyasının Qəzzəyə qarşı siyasətinin əsaslandığı əsas yalan, mülki əhali arasında kütləvi itkilərin “qəsdən olmadığı” olmasıdır; lakin həqiqət budur ki, mülki itkilər İsrailin strategiyasının bir hissəsidir. “Foreign Policy” qeyd edib ki, bəzi İsrail rəsmiləri bu məqsədi etiraf ediblər.
