Son aylarda, demək olar ki, gündəlik olaraq, Suriyanın üsyançıların nəzarətində olan bölgələrində gənc əlavi qadınlarının yoxa çıxması və ya qaçırılması halları barədə yeni məlumatlar yayılır; insan haqları mənbələrinin bildirdiyinə görə, bu hadisə narahatlıq doğuran ölçülərə çatıb.
Xarici KİV-in verdiyi görə, Reuters ötən cümə günü araşdırma hesabatında bildirib ki, qaçırılan ələvi qızların ailələri tərəfindən dərc edilmiş onlarla mesaj və videonu nəzərdən keçirib.
Məlumata görə, demək olar ki, hər gün bu dini azlıqdan bir qadının yoxa çıxması ilə bağlı yeni fakt qeydə alınır.
Bu tendensiyanın bariz nümunəsi Safitadan olan 29 yaşlı qız “Əbir”in işidir. Təqdim edilən sübutlara görə, naməlum qrup tərəfindən qaçırılıb və ailəsi 15.000 dollar verməsə, Əbirin öldürüləcəyi və ya insan alverinin qurbanına çevriləcəyi ilə təhdid edilib.
Reuters-ə verilən məlumata görə, bu il 16-39 yaş arası ən azı 33 ələvi qadın və qız yoxa çıxıb. Bu hadisələr əsasən ələvilərin çoxluq təşkil etdiyi Tartus, Laziqiyyə və Həma bölgələrindən qeydə alınıb. Onların yarısı sonradan evə qayıdıb, lakin heç biri başlarına gələnlərlə bağlı müsahibə verməyə razı olmayıb. Onların ailələri də suallara cavab olaraq “təhlükəsizlik narahatlıqlarından” danışıblar.
Bunlardan Əbir ailəsi də daxil olmaqla, üç ailə qızlarının xaricə aparıldığını bildirib.
Lakin digər doqquz qadının taleyi naməlum olaraq qalır. Ailələrin dediyinə görə, onlardan səkkizinin yaşı 18-dən aşağı olub.
Böhrana baxmayaraq, Suriya üsyançı hökuməti bu xəbərlərə hələ cavab verməyib. Yeganə rəsmi bəyanatında Tartus əyalətinin ictimaiyyətlə əlaqələr üzrə direktoru Əhməd Məhəmməd Xair, yoxa çıxanların əksəriyyətinin “ailə münaqişələri və ya şəxsi məsələlər” səbəbindən olduğunu və məqsədyönlü adam oğurluğu ilə heç bir əlaqəsi olmadığını iddia edib. Lakin o, bu iddianı təsdiq edəcək heç bir sübut təqdim etməyib.
Bir çox ailələr bildiriblər ki, onların yerli polisə verdiyi xəbərlər ciddi qəbul edilməyib və real araşdırma aparılmayıb. Rəsmi qurumlara olan bu inamsızlıq hissi bir çox ailənin susmasına və ya sadəcə sosial mediada kömək üçün qışqırmasına səbəb olub.
