Donald Trampın keçmiş strateqi və müşaviri bəyan edib ki, İsrail İranla onun imkanları xaricində olan münaqişəyə girib və yalnız İsraili xilas etmək üçün atəşkəsə razılaşıb.
Xarici KİV-in verdiyi məlumata görə, Stiv Bannon sionist rejim ilə İran arasında hərbi əməliyyatların dayandırılmasının ardınca vurğulayıb ki, sionist rejim atəşkəsi qəbul edib, çünki artıq İrana qarşı mübarizə aparmaq gücü yox idi.
O, İran İslam Respublikasının sionist rejimə ağır raket cavabı zamanı verdiyi yüksək itkiləri təsvir edərək yazıb: “Dünən çox çətin bir vəziyyət idi… Bu atəşkəs daha çox İsrailin özünü xilas etməsi üçün idi. Bu hekayənin gizli hissəsidir. Onlar öz imkanlarından kənar bir işə girdilər. Gücləri çatmayan yerə qədər getdilər…Doğurdan da dünən İsrail xalqı üçün dəhşətli bir gün idi.”
Bannon İranın Tel-Əviv və Bir əs-Səbəyə raket hücumları nəticəsində itki və ziyanlara toxunaraq, “İsrail xüsusilə Təl-Əvivdə və həmçinin Bir əs-Səbədə ağır hücumlara məruz qaldılar” deyib.
Sionistlərin atəşkəsi qəbul etmələrinin səbəbləri ilə bağlı Ağ Evin keçmiş strateqi deyib: “Onların bu atəşkəsə ehtiyacı var idi, çünki onların müdafiə sursatları tükənirdi və prezident Tramp Qətərin köməyi ilə işə qarışdı.”
Dünən (çərşənbə axşamı) sionist rejimin İran İslam Respublikası ərazisinə təcavüzünün on ikinci günü və İranın bazar ertəsi gecə Qətərin əl-Udeyd şəhərindəki Amerika bazasına raket hücumlarından sonra Tramp çərşənbə axşamı yerli vaxtla (Tehranla vaxtı ilə 7:30-da) səhər saat 7-dən etibarən İran və İsrail rejimi arasında atəşkəs əldə olunduğunu bəyan edib.
Bu şərhdən sonra sionist rejimin Nazirlər Kabineti Trampın atəşkəs tələbi ilə razılaşdıqlarını açıqlayıb.
Bir çox analitiklər hesab edir ki, sionist rejimin keçən həftə İran ərazisinə təcavüzü o zaman baş verib ki, sionistlər İran İslam Respublikasının İsrailə bu qədər ağır cavab verəcəyini və İsrailin bu qədər böyük itkilərə məruz qalmasını gözləmirdilər.
