Dünyanın 100-dən çox ölkəsində aparılan sorğunun nəticələri göstərib ki, Tramp Ağ Evə qayıtdıqdan sonra Amerikanın populyarlığı kəskin şəkildə azalıb.
Xarici KİV-in verdiyi məlumata əsasən, “Demokratiya Qavrama İndeksi 2025”in son nəticələrinə görə, Donald Tramp hakimiyyətə qayıtdıqdan sonra ABŞ-ın qlobal nüfuzu kəskin şəkildə aşağı düşüb. Bu indeks dünyanın demokratiyaya, geosiyasətə və qlobal güclərə münasibətini ölçür.
“Politico”nun hesabatına görə, sorğu dünyanın 100 müxtəlif ölkəsində 110 mindən çox insanın iştirakı ilə keçirilib.
Sorğuda iştirak edənlərin əksəriyyəti ABŞ-a mənfi münasibət bəsləyirib ki, bu da keçən illə müqayisədə əhəmiyyətli dərəcədə azalma deməkdir. Populyarlığın azalması, xüsusilə Avropa Birliyi ölkələrində nəzərə çarpıb. Bu, Trampın bu blokla bağlı mübahisəli bəyanatları ilə heç də əlaqəsiz deyil. ABŞ prezidenti son açıqlamalarında Avropa İttifaqını “dəhşətli”, “pafoslu” və “Amerikanı aldatmaq üçün yaradılmış təşkilat” adlandırıb.
Trampın populyarlığı Putin və Şi-dən aşağıdır
İndeksi hazırlayan NATO-nun keçmiş baş katibi və Demokratiyalar Alyansı Fondunun təsisçisi Anders Foq Rasmussen “Amerikanın populyarlığının kəskin azalması məni təəccübləndirmir” deyib.
Digər tərəfdən, Çin qlobal mövqeyini gücləndirə və ilk dəfə olaraq ABŞ-ı geridə qoya bildi. Avropa istisna olmaqla, dünyanın digər yerlərində Çin nisbətən müsbət imic qazanmışdır. Hətta Rusiya, 2022-ci ildə Ukraynaya hərbi müdaxilədən sonra qlobal reputasiyasına böyük zərbə vursa da, indi (bir az) Amerikadan daha populyardır və imici yaxşılaşır.
Tramp, həmçinin Çin və Rusiya liderlərindən daha az populyardır.
Sorğunun başqa bir hissəsində dünya siyasi, mədəni və mənəvi liderlərinin populyarlığı araşdırılıb və nəticələr göstərib ki, bu qrup arasında ən az populyar olan şəxs Donald Tramp olub. Onun populyarlıq reytinqinin Rusiya prezidenti Vladimir Putin və Çin prezidenti Şi Cinpininkindən aşağı olduğu bildirilir.
Bu reytinqdə Tramp hətta Elon Mask, Bill Gates, Papa Francis, Taylor Swift və Kim Kardashian kimi insanlardan da aşağı bal toplayıb.
İsrail-Dünyanın ən nifrət etdiyi
Hesabatın başqa bir hissəsində isə İsrail dünyanın ən pis imicinə malik rejim kimi təqdim edilir. İsrailin siyasətindən narazılıq, xüsusilə Yaxın Şərq və Cənubi Asiyada güclüdür və hətta ənənəvi olaraq İsrailin yaxın müttəfiqi olan Almaniya kimi ölkələrdə belə rejimin populyarlığı xeyli azalıb. Analitiklər bunu İsrail rejiminin Qəzzə və İordan çayının qərb sahilindəki hərəkətlərindən qlobal narazılığın artmasının əlaməti kimi qiymətləndiriblər.
Qeyd edək ki, ötən il Beynəlxalq Cinayət Məhkəməsi İsrailin baş naziri Benyamin Netanyahu və keçmiş müdafiə naziri Yoav Qalantın hərbi cinayətlər törətməkdə ittiham olunaraq həbsinə order verib.
