Ən son yayımlanan hesabatlar Fars körfəzi ərəb dövlətlərinin sionist qəsəbə salma fəaliyyətlərində iştirak etdiyini ifşa edib.
Səudiyyə Ərəbistanı, Qətər və BƏƏ-nin dəstəklədiyi Cared Kuşnerin investisiya şirkəti, hazırda bir İsrail şirkətinin ən böyük səhmdarına çevrilib. Həmin İsrail şirkəti isə BMT-nin işğal olunmuş ərazilərdə qanunsuz qəsəbə salan şirkətlər siyahısına daxil etdiyi müəssisələrdə pay sahibidir.
2021-ci ildə Donald Trampın kürəkəni və Yaxın Şərq üzrə keçmiş müşaviri Cared Kuşner tərəfindən təsis edilən Affinity Partners şirkəti, Fars körfəzi ərəb ölkələrinin sərvət və investisiya fondlarından milyardlarla dollar maliyyə dəstəyi alıb.
Ötən Yanvar ayında Qətər İnvestisiya Təşkilatı və Əbu-Dabidə yerləşən bir investisiya şirkətindən əlavə maliyyə vəsaiti almasından cəmi bir neçə həftə sonra Affinity şirkəti Phoenix Financial şirkətinin təxminən 10% səhmlərinin satın alınmasını tamamlayıb.
Daha əvvəl Phoenix Holdings adı ilə tanınan Phoenix şirkəti İsrailin maliyyə xidmətləri qrupudur və sığorta, maliyyə idarəçiliyi xidmətləri təqdim edir. Həmçinin törəmə şirkətlərindən biri olan Phoenix Investment House vasitəsilə digər İsrail şirkətlərində də birbaşa səhmlərə sahibdir.
Cared Kuşnerin investisiya şirkəti İsrailin 11 dövlət şirkətinə və 1 özəl şirkətinə sərmayə yatırıb. Bu şirkətlərin adları BMT-nin İnsan Haqları üzrə Ali Komissarlığının məlumat bazasında, İordan çayının qərb sahili, Şərqi Qüds və işğal olunmuş Suriya ərazisi Colanda qeyri-qanuni qəsəbə tikintisi ilə məşğul olan şirkətlər kimi qeyd edilib.
Təl-Əviv Fond Birjasının 12 mart tarixli məlumatlarına görə, Phoenix şirkətinin 11 səhmdar cəmiyyətindəki ümumi aktivlərinin dəyəri təxminən 4.5 milyard dollar olub.
Cared Kuşner, Səudiyyə vəliəhdi Məhəmməd bin Salmana yaxın dostlardan biri hesab olunur. O, Trampın birinci prezidentliyi dövründə İbrahim Razılaşmalarının hazırlanmasında əsas rol oynayıb. Bu razılaşma İsrail ilə BƏƏ də daxil olmaqla bir neçə ərəb ölkəsi arasında rəsmi diplomatik əlaqələrin qurulmasına gətirib çıxardı.
Kuşner açıq şəkildə İsraili dəstəklədiyini və orada investisiya qoymaq istəyini bəyan edib. Buna görə də, ötən il İsrail Qəzzə müharibəsi ilə ciddi şəkildə məşğul olduğu və iqtisadiyyatı bu münaqişədən ciddi zərər gördüyü halda belə, Affinity Partners İsrail iqtisadiyyatına investisiya qoymağa davam etdi. Bu barədə danışan Kuşner, şirkətinin İsrail iqtisadiyyatının uzunmüddətli perspektivinə nikbin yanaşdığını vurğulayıb.
Fars körfəzi ərəb ölkələrinin Cared Kuşnerin Affinity Partners şirkətinə investisiya qoyduğunu nəzərə alsaq, belə bir sual yaranır: Onlar bilirlərmi ki, bu sərmayələr işğal olunmuş İordan çayının qərb sahilləri və Şərqi Qüdsdə qanunsuz qəsəbə salmaqla məşğul olan şirkətlərə yönləndirilir və həmin qəsəbələrdən böyük qazanc əldə edilir? Üstəlik, bu, elə bir vaxtda baş verir ki, İsrail ordusu və radikal məskunlaşan yəhudi qrupları İordan çayının qərb sahillərində ən şiddətli və genişmiqyaslı hərbi əməliyyatları həyata keçirir.
Beynəlxalq Ədalət Məhkəməsi ötən ilin İyul ayında 1967-ci ildən bəri İsrailin İordan çayının qərb sahillərində mövcudluğunu və fəaliyyətlərini qeyri-qanuni hesab edib və İsrailin işğala dərhal son qoymalı olduğunu bəyan edib.
Bununla belə, cəmi bir ay sonra İsrail rejiminin ordusu Cenin, Tülkərm və Tubas bölgələrində genişmiqyaslı hərbi əməliyyatlara başlayıb. Yanvar ayından etibarən İsrail rejimi Cenin və Tülkərmə qarşı yeni və daha geniş hücumlar həyata keçirib. Bu, son iyirmi ilin ən uzun və ən böyük hərbi hücumu sayılır.
Fələstinli məskunlaşmalarına nəzarət edən təşkilatlar bildirirlər ki, Phoenix kimi böyük bir investorun, sionist məskunlaşmalarını genişləndirməkdə ittiham olunan şirkətlərdə səhmlərə sahib olması heç də təəccüblü deyil.
Bununla belə, Fars körfəzi ərəb ölkələrinin İsrailin layihələrinə investisiya qoyması, xüsusilə hələ də İsraillə normallaşma razılaşması imzalamamış ölkələrin sərmayə qoyuluşu, bu ölkələrin Qərb Sahilindəki İsrail siyasətinə dair verdiyi ictimai bəyanatlarla açıq-aydın ziddiyyət təşkil edən yeni və mühüm bir dönüşü göstərir.
Şirkətin ABŞ Senatının Maliyyə Komitəsinə təqdim etdiyi iyul hesabatı göstərir ki, Səudiyyə Dövlət İnvestisiya Fondu 2021-2026-cı illər arasında Affinity-ə 2 milyard dollar sərmayə qoymağı öhdəsinə götürüb.
ABŞ Senatının Maliyyə Komitəsinin yaydığı məlumata görə, Qətər İnvestisiya Təşkilatı və BƏƏ-dən olan suveren sərvət fondu Affinity-ə 1 milyard dollar sərmayə qoymağı öhdəsinə götürmüş digər investorlar arasındadır.
Dekabr ayında yayımlanan hesabatlarda Affinity-nin Abu Dabi Development Holding (ADQ) tərəfindən dəstəklənən və BƏƏ-nin milli təhlükəsizlik müşaviri Tahnoun bin Zayed Al Nahyan tərəfindən idarə olunan investisiya fondu olan Qətər İnvestisiya İdarəsi və Lunet Fondundan əlavə 1,5 milyard dollar kapital aldığı ortaya çıxıb.
London Sta College-dən Andreas Kreyq bu investisiyalar haqqında deyir: “Affinity-ə sərmayə qoymaq, ABŞ-ın xarici və təhlükəsizlik siyasətinin “kim daha çox pul ödəyərsə, daha çox fayda götürər” qaydasına əsaslandığı bir vaxtda, Körfəz ölkələri üçün Tramp ailəsinin geniş şəbəkəsinə pul yeritmək üçün qanuni yoldur”.
