Suriya mənbələri bu ölkənin sahilyanı ərazilərində 40-dan çox qətliamın baş verdiyini, Suriyanın müvəqqəti hökumətinin başçısı əl-Colaniyə bağlı silahlı qüvvələr tərəfindən dinc əhalinin başının kəsilməsi və mindən çox insanın öldürüldüyü barədə məlumat yayıb.
Verilən məlumata görə, Suriya İnsan Haqları Müşahidə Qrupu bu ölkənin sahilyanı bölgələrinə edilən son hücumlarda 745-i mülki olmaqla, 1018 nəfərin öldüyünü açıqlayıb.
Suriya sahillərindəki yerli mənbələr bu qırğınların qurbanlarının sayının yüzlərlə olduğunu, beləliklə də onlarla cəsədin hələ də kəndlərin yol və küçələrində qaldığını, ailələrinin onlara yaxınlaşa və cəsədləri basdıra bilmədiklərini bildirib.
Daxil olan xəbərlərdə bildirilir ki, bölgənin kəndlərindəki sakinlər hücumlardan qorunmaq üçün dağlara və meşələrə qaçıb, evlərinə qayıtmağa cəsarət etmirlər.
Bununla əlaqədar olaraq xəbər agentliklərindən biri məlumat yayıb ki, Suriyanın müvəqqəti hökumətinin başçısı onun himayəsində olan qüvvələrin vətəndaşları qətlə yetirməsi nəticəsində yaranan daxili qarşıdurmalarda ölkənin müxtəlif bölgələrinə nəzarəti əldən verməmək üçün 3000-dən çox xarici terrorçudan istifadə etməyə əl atıb.
Bu xəbər agentliyi məlumatlı mənbələrə istinadən bildirib ki, Suriyanın sahil şəhərlərində ələvilərin yaşadığı ərazilərə hücum etmək üçün əl-Colaninin başçılıq etdiyi Suriya müvəqqəti hökumətinə bağlı terrorçular arasında 3000-dən çox xarici ölkə vətəndaşı var.
Bu hesabata görə, son üç gün ərzində Suriyanın sahilyanı əraziləri və ölkənin Ələvi bölgələri terror ünsürlərinin vəhşi hücumları nəticəsində qanlı toqquşmaların baş verdiyinin şahidi olub.
Laziqiyyə başda olmaqla, sahilyanı ərazilərin əksəriyyətinə nəzarəti itirmiş Əl-Colaninin başçılıq etdiyi Suriya müvəqqəti hökuməti xarici terrorçulardan kömək istəyib və onları İdlib, Hələb və Həmə kimi Dəməşqə göndərib.
Məlumatlı mənbələr son üç gündə Əl-Colani müvəqqəti hökumətinin Suriyada Ələvi qəbiləsinə qarşı törətdiyi cinayətlərin sayının 40-ı keçdiyini açıqlayıb. Bu cinayətlər son 72 saat ərzində Suriyanın 9 şəhərində baş verib və başda qadınlar, uşaqlar və qocalar olmaqla 1200 şəhid olub.
Yerli mənbələr bu adamların çoxunun Colani ünsürləri tərəfindən başlarının kəsildiyini, digərlərinin isə yandırılaraq bədənlərinin parçalandığını açıqlayıb.
Onlar qeyd ediblər ki, Suriyada 16 kəndin kişiləri tamamilə qətlə yetirilib. Bu qətllər müharibə cinayəti sayılır və hələ də davam edir, belə ki, dünən səhər Laziqiyyə yaxınlığındakı kənddə ən azı 20 ələvi öldürülüb.
Xəbər mənbələri həmçinin əl-Colani qüvvələri tərəfindən Suriya sahillərində bir neçə kəndin qarət edildiyini və yandırıldığını bildirib. Suriyadakı xəbər şəbəkələridən biri bildirib: Hazırda Tartus vilayətində bir çox kəndlər yanır. Silahlı qruplar 6 kəndi qəsdən yandırıb. Silahlı qruplar, xüsusilə əl-Amşat və əl-Həmzat qrupları Suriyanın sahilyanı ərazilərində kütləvi qətllər törətməkdə və planlaşdırılan qətllər törətməkdə ittiham olunur.
Qərbi Suriya xalqı, o cümlədən Latakiya və Tartus şəhərləri ötən cümə axşamı gecəsindən etibarən əl-Colaninin başçılıq etdiyi yeni Suriya hökumətinin xristianlar, ələvilər və druzilar də daxil olmaqla bəzi din və məzhəb ardıcıllarını sıxışdırmaq siyasətinə etiraz olaraq nümayişlər keçiriblər.
