İngiltərə İsrail rejiminin Qəzzə zolağındakı müharibəsi başlayandan bəri müxtəlif formalarda sionist rejimini hərtərəfli dəstəkləyib.
İsrail rejiminin Qəzzəyə qarşı müharibəsi başlayandan medialar və beynəlxalq ictimaiyyət diqqətini 22 milyard dollarlıq hərbi və təhlükəsizlik yardımı edən Amerikanın İsraili dəstəkləməsinə yönəldib. Amma Tel-Əviv digər böyük dəstəklərdən də istifadə edib ki, onların da ən mühümü İngiltərə tərəfindən olub.
İngiltərənin İsraili himayə etməsi ABŞ-ın dəstəkləri kimi mediada işıqlandırılmasa da, mövcud hesabatlar və məlumatlar İngiltərənin İsrail rejiminə yardımının bir an belə dayanmadığını göstərir.
İngiltərənin dəstək və yardımları hərbi, kəşfiyyat, lagostik və hətta hüquqi kimi müxtəlif formalara şamildir.
Müharibə boyunca Tel-Əvivə səfər
Hesabatlar göstərir ki, Britaniya parlamentinin 15 yeni üzvü parlamentə girməzdən əvvəl İsrail rejiminin tərəfdarı olan lobbi qruplarından maliyyə yardımı alıblar.
Bu yardımlar İngiltərədə İsrailin maraqlarının yüksəldilməsi məqsədi ilə Fəhlə və Mühafizəkar partiyalarla bağlı İsrailin dost qrupları tərəfindən göstərilib.
Məlumatlara əsasən, Tel-Əvivə olan səfərlər Fəhlə partiyasının 12 və Mühafizəkar partiyasının 3 üzvünün iştirakı ilə İngiltərədə ümumi seçkilərdən əvvəlki bir ildə təşkil edilib.
Tel-Əvivə səfərlər İngiltərə nümayəndələri ilə məhdudlaşmır, həm də İngiltərənin keçmiş baş naziri “Rişi Sunak” da daxil olmaqla, bu ölkənin digər rəsmilərinə də şamildir. Belə ki, o, Qəzzə müharibəsi başlayandan bir neçə gün sonra Netanyahunu dəstəkləmək üçün Tel-Əvivə gedib.
İngiltərənin Kiprdəki bazasından Tel-Əvivə gizli uçuşlar
ABŞ Hava Qüvvələri Qəzzə müharibəsi başlayan vaxtdan etibarən casusluq və kəşfiyyat uçuşları yerinə yetirmək üçün İngiltərənin Kiprdəki hərbi bazasında təyyarələr yerləşdirib. Bu təyyarələr indiyə qədər region və həmçinin Tel-Əviv səmasında çoxlu uçuşlar həyata keçiriblər.
Britaniya hesabatları bütün bu təyyarələrin C-295 və CN-235 növündən olduğunu göstərir və onların ABŞ xüsusi qüvvələri tərəfindən istifadə edildiyi güman olunur.
Bu hesabatlarda vurğulanır ki, bu növdən olan 18 təyyarə 7 Oktyabrdan bəri Britaniyanın Kiprdəki “Akrotiri” hava bazasından Tel-Əvivə uçub.
Akrotiri bazası ABŞ və Qərbin Qəzzə müharibəsinin davamı və fələstinlilərin soyqırımı məqsədi ilə İsrail rejiminə silah yardımları göndərmək və bu rejimi maddi-texniki dəstəkləmək üçün mərkəzi bir nöqtədir.
İngiltərənin silah şirkətlərinin silah dəstəyi
İngiltərə xalqının etirazlarına baxmayaraq, İngiltərənin hərbi şirkətləri hələ də İsrail rejiminə silah və hərbi yardımlarını davam etdirir. Bu şirkətlərdən biri Elbit Systems şirkətidir ki, son bir ildə onun köməkləri həmişə Britaniya cəmiyyətinin tənqidinə səbəb olub.
İngiltərə xalqı bu dəstəklərə etirazlarda Elbit Systems hərbi elektronika şirkətinin Bristoldakı iki fabrikinin bağlanmasını tələb ediblər. Onlar bu şirkəti “Qəzzədə fələstinlilərin soyqırımında iştirak etməkdə” ittiham ediblər.
İngiltərəli fəallar bildiriblər: Elbit Systems şirkəti İngiltərədəki fəaliyyətlərini gizlədir. İngiltərə hökuməti İsraili silahla dəstəkləməkdə bu şirkətin şərikidir. Onlar Tel-Əvivə İordan çayının qərb sahillərində və Qəzzə zolağında fələstinliləri qətliam etmək üçün silahlar verirlər.
Elbit şirkəti İsrail rejiminin İngiltərədəki ən böyük xüsusi silah düzəltmə şirkətidir və onun əsas müştərisi sionist rejiminin müdafiə nazirliyidir. Bu şirkətin İngiltərədə 4-ü silah fabriki olmaqla, 9 fabriki var.
Bu şirkət sionist ordusunun kəşfiyyat və hücum dronlarının, onların sursat və ehtiyat hissələrinin təxminən 85%-ni təmin edir.
Qəzzə üzərində casusluq uçuşlarının həyata keçirilməsi
İngiltərə İsrail rejiminin kəşfiyyat və casusluq orqanlarına kömək etmək üçün Qəzzə zolağı üzərində casusluq uçuşları həyata keçirir. 2024-cü ilin May ayında Britaniyanın Declassified araşdırma saytı Britaniya Kral Hava Qüvvələrinin 2023-cü ilin Dekabr ayının 3-dən bəri İsraili dəstəkləmək üçün Qəzzə üzərində 200 kəşfiyyat uçuşu etdiyini üzə çıxarıb.
İngiltərənin kəşfiyyat uçuşları Kiprdəki Akrotiri bazasından həyata keçirilir. İsrail rejimi cari ildə Yəmənin sahil şəhəri olan əl-Hudeydəyə iki dəfə hücum edib. Nəticədə isə 155 yəmənli şəhid edilib və dəniz limanının strukturlarına 20 milyon dollardan çox madddi ziyan vurulub. İsrail rejimi bu hücumlarda İngiltərə istehsalı olan F-35 qırıcılarından istifadə edib.
İngiltərə hava məkanından İsrailə gizli silah göndərilməsi
Declassified araşdırma saytı, həmçinin üzə çıxarıb ki, Qəzzədə fələstinlilərin soyqırımında istifadə edilməsi üçün İsrailə göndərilən silah paketlərinin çoxu İngiltərə səmasından keçib.
Göndərilənlərə snayper sursatları, təyyarələrdə istifada edilən partlayıcı bomba növləri və ümumi çəkisi 55 tondan çox olan digər avadanlıqlar daxil olub.
Declassified tərəfindən müəyyən edilən 8 uçuşun hamısı Nyu Yorkdakı Cen Kennedi Beynəlxalq Hava Limanından ayrıldıqdan sonra İngiltərənin hava məkanında daxil olub və Dover üzərindən Uelsdən keçdikdən sonra Bekçika hava məkanından keçməklə Tel-Əviv istiqamətində yollarına davam ediblər.
Təhlükəli mallar yaxud hərbi sursatlar daşıyan təyyarələrin İngiltərə hava məkanından keçmələri üçün Britaniya Mülki Aviasiya İdarəsinin xüsusi icazəsi olmalıdır.
Bu da növbəti dəfə göstərir ki, İngiltərə hökuməti İsrail rejiminin Qəzzədəki müharibəsi başlayan vaxtdan bəri bu rejimə silah yüklərinin keçməsi üçün yaşıl işıq yandırıb.
İranın hücumlarını dəf etmək üçün İsrail rejiminin havadan müdafiə sistemlərini dəstəkləmək
İngiltərənin havadan müdafiə sistemləri İranın Aprel və Oktyabr aylarında sionist rejiminə qarşı həyata keçirdiyi iki hücumu dəf etmək üçün İsrail ordusunu himayə edib.
İngiltərə müdafiə naziri “Con Healy” rəsmi olaraq bildirib ki, Britaniya qüvvələri İranın İsrail rejiminə olan raket hücumlarını zərərsizləşdirməkdə iştirak ediblər. Hətta Britaniyanın baş naziri ölkəsinin İsrailin yanında olduğunu və İran qarşısında özünümüdafiə haqqını tanıdığını bildirib.
Qəzzəyə qarşı psixoloji müharibədə İngiltərənin İsrail rejimi ilə şərikliyi
Declassified-in hesabatında deyilir: İngiltərə fələstinlilərə qarşı psixoloji müharibədə İsrail hərbiçilərini dəstəkləyir və “Ədalət naminə anonim” adlı qrup tərəfindən fələstinlilərə qaşı xüsusi kiber hücumlar həyata keçirir.
Bu hesabatda bildirilib ki, xüsusi kiber əməliyyatları və pixoloji müharibə üzrə ixtisaslaşmış Britaniya ordusunun 77-ci briqadası İsrail rejiminin ordusunun strategiya və taktikaları barəsində baş tutmuş bir çox müzakirələrində iştirak edib, virtual aləmdə anonim və saxta istifadəçilər adı altında onları dəstəkləyib.
İsrail ordusu ilə Britaniya ordusu arasında məlumat mübadiləsi
İngiltərə hökuməti İngiltərə Xarici İşlər Nazirliyinin İsrail rejimini dəstəkləməsi ilə bağlı sənədləri və ya parlamentin bu barədəki araşdırmalarını dərc etmək üçün informasiya azadlığı ilə bağlı müraciətləri cavablandırmaqdan boyun qaçırır.
2018-ci ildə İsrail rejiminin kəşfiyyat zabiti “Benzi Zimmerman” İsrail və İngiltərənin J3 adlı yüksək səviyyəli məlumat mübadiləsi istiqamətindəki birgə planını üzə çıxarmışdı.
J3 layihəsinin məqsədi İngiltərə və İsrail arasında strateji səviyyədən taktiki səviyyəyə qədər əməliyyat, idarəetmə və planlaşdırma qruplarının təşkil edilməsi idi. Bu layihənin həyata keçirilməsinin zirvə nöqtəsi Qəzzə müharibəsində olub.
İsrail qüvvələrinin İrana və Hizbullaha qarşı güclənməsi üçün İngiltərənin hərbi planı
Classified saytı Oktyabrın 9-da verdiyi iki hesabatda İngiltərə ordusunun HEZU.K adlı gizli plan icra etmək niyyətində olduğunu üzə çıxarıb. Bu planın məqsədi İran və Hizbullah ilə mübarizə aparmaq üçün İsrail rejimini gücləndirməkdir.
İfşa olunmuş sənədlər göstərir ki, bu planın icrasi 2019-cu ilin axırlarından və 2020-ci ilin əvvəllərindən başlayıb və onun məqsədi İngiltərə və İsrail arasındakı kəşfiyyat və hərbi əməkdaşlığın gücləndirilməsidir. O, ulturasəs raketləri və avtomatik döyüş sistemləri kimi qabaqcıl texnologiyalar sahəsində birgə səylərə şamildir.
Hesabatlar HEZU.K planının, məlumat mübadiləsinə, müdafiə imkanlarının inkişafına və İsrail rejiminin təhlükəsizlik orqanları ilə əməkdaşlığa kömək etdiyini göstərir.
