İsrail rejiminin şimalında və Livanın cənubunda qarşıdurmaların yeni mərhələsi başlayan vaxtdan etibarən, İsrail rejiminin ordusu Hizbullahın hücumları nəticəsində dəymiş ziyanlarla bağlı xəbərləri bu rejimin medialarında senzura edir.
Hizbullah İsrailə qarşı “açıq hesab” əməliyyatına başlayan vaxtdan, bu rejim şimalda İsrailin daxili cəbhəsinə dəymiş zərər və ziyanları gizlətmək üçün ciddi senzuraya əl atıb. Bunun əvəzində isə medialara İsrail rejimin ordusunun Livanın cənubuna və Cənubi Zahiyə bölgəsinə hücumlara diqqət yetirmələri əmr olunub.
İsrail məsələlərinin analitikləri hesab edirlər ki, xəbərlərin ciddi şəkildə senzura edilməsinə baxmayaraq, Hizbullah göstərib ki, tam məlumat bankına malikdir. Onların fikrincə, HƏMAS və Hizbullah hərəkatları arasında hərbi güc və silah arsenalları baxımından böyük fərq var. Hizbullah bu iki amilə söykənərək “məğlubedilməz İsrail inancını” sual altına salıb.
Buna görə də, region və dünya səviyyəsində həmişə özü ilə öyünən İsrail rejiminin kəşfiyyat və təhlükəsizlik orqanları Livan müqaviməti qarşısındakı məğlubiyyət nəticələrini azaltmaq üçün indi Hizbullahla bağlı xəbərlərə ciddi hərbi senzura və nəzarət tətbiq edir.
İsrailli məşhur tədqiqatçı və analitik “Antoin Şalhat” bu rejimin medialara qarşı zor gücündən istifadə etdiyinə inanır.
Şalhat əlavə olaraq bildirib ki, İsrail rejimi və Hizbullah arasında qarşıdurmanın başlaması ilə xəbər buraxılışlarına hərbi nəzarət və şimal cəbhəsi ilə bağlı xəbərlərin senzurası hər gün özünə yeni bir ölçü alır. Şimal cəbhəsi ilə bağlı xəbərlərin yayılması üzərində çox ciddilik var. Belə ki, Qəzzə zolağında şahid olduğumuzlarla müqayisə oluna bilməz.
Şalhat şimal bölgələrinə dəyən ziyanın həcminin medialarda öz əksini tapanlardan daha çox olduğunu və İsrail rejiminin bunların yayılmasına bəlkə də heç zaman icazə verməyəcəyini vurğulayaraq, bildirib: “Yüz min sionist köçkününün didərgin düşməsi İsrailə yarandığı gündən bu günə qədər heç vaxt təcrübə etmədiyi yeni reallıq yaradıb.”
O, həmçinin vurğulayıb ki, sakinlərinin çıxışına şahid olan İsrailin sərhəd bölgələrinin və qəsəbələrinin hamısı tamamilə dağıdılıb ya da orada yaşamaq və iqtisadi fəaliyyətləri davam etmək imkanı yoxdur.
İsrail rejiminin göstərişi ilə boşaldılmaqda olan qəsəbələr də eyni vəziyyətlə üzləşiblər. Amma ivrit medialarının bu qəsəbələrdəki reallıqları dərc etməyə icazələri yoxdur.
O, İsrail ordusunun davranışını belə təhlil edir: “İsrail ordusu Hizbullahın HƏMAS hərəkatından bir neçə dəfə çox arsenala və silahlara malik olduğunu çox yaxşı bilir. Bundan əlavə, son qarşıdurmalarda İsrail ordusuna aydın olub ki, İsrailin hərbi bazaları, həssas və strateji mərkəzləri barəsində Hizbullahın geniş və dəqiq məlumatı var. Halbuki, İsrail həmişə dünyada ən yaxşı orduya və ona qarşı olan hər bir təhdidi aradan qaldıran kəşfiyyat orqanına malik olduğunu iddia edirdi. İndi isə həm hərbi və həm də kəşfiyyat sahəsində bu iddiaların puç olduğu sübut olub.”
Siyasi analitik Əmir Məxulun firincə, İsrail ordusu tərəfindən xəbərlərin senzurasının güclənməsi, onların dərc olunmasına nəzarət və baş verən dəyişikliklərin və reallıqların gizlədilməsi onu göstərir ki, Hizbullahın hədəflərinin çoxu hərbi mərkəzlər və bazalar olub. Buna görə də, sionist rejimi onları yayımlamaqdan qorxur.
İsrailli alim və Nobel mükafatı laureatı “Harun Çiçanover” İsraildən köç dalğasının davam etdiyinə işarə edərək, xəbərdarlıq edib: “Bu mühacirlərin böyük bir hissəsi İsrail elitasıdır.”
O, həmçinin vurğulayıb: “İsrail cəmiyyəti kiçik bir cəmiyyətdir. Bir il ərzində oradan 30 min elita köç edərsə, ona nə qalar?”
Qüds İvrit Universitetinin İqtisad professoru və İsrail Mərkəzi Bankının müşaviri “Alon İsenberg” bildirib: “İsraildən elitanın qaçışının və kapital çıxışının qarşısını almaq üçün heç bir yol yoxdur. Amma reallıq bundan da dəhşətlidir. Çünki bu elitanın və kapitalların çoxu həmişəlik İsraili tərk edirlər.”
