ABŞ Ədliyyə Nazirliyi 2023-cü ilin Oktyabr ayının 7-də Qəzzə ətrafında sionist qəsəbələrinə və hərbi mövqelərinə hücum etdiklərinə görə HƏMAS-ın Siyasi Ofisinin rəhbəri Yəhya əs-Sinvara və hərəkatın digər rəhbərlərinə qarşı şikayət ərizəsi verildiyini açıqlayıb.
Nyu-Yorkdakı federal məhkəmədə təqdim olunmuş şikayət mülki şəxslərin ölümü ilə nəticələnən terror təşkilatına dəstək kimi ittihamlara şamildir.
Bu sahədə ittiham olunan HƏMAS-ın əsas rəhbərlərindən hərəkatın siyasi ofisinin rəhbəri Yəhya əs-Sinvara və şəhid İsmail Həniyəyə işarə etmək olar.
Bu arada, İran İslam Respublikası Amerikanın başçılıq etdiyi hazırkı beynəlxalq sistemə həmişə qarşı olduğunu bildirən dünya ölkələrinin başında dayanır. Çünki ABŞ bu sistemdə eyni anda qanunverici, şikayətçi, prokuror, hakim, həbsxana nəzarətçisi və cəlladdır. Onun qanunları bütün dünyada icra olunur və bu qanuna qarşı hər növ itaətsizliyə hərbi qüvvələrlə yaxud mühasirə və aclıqla cavab verilir. Elə bu səbəbdən də, İran 40 ildən çoxdur ki, məcburi müharibə, iqtisadi mühasirə, xalqı arasında məzhəb və etnik qarşıdurmaların yaradılması, ABŞ-ın cinayət törətmək, onun təhlükəsizliyi və sabitliyini pozmaq üçün təkfirçi və separatçı qrupları dəstəkləməsi kimi təzyiqlərə məruz qalır.
Zaman ötdükcə Amerikanın birqütblü sisteminə qarşı çıxmaqda İran rəhbərliyinin müdrikliyi daha da aydın olur. Bu, elə bir sistemdir ki, Beynəlxalq Ədalət Məhkəməsinin və Beynəlxalq Cinayət Məhkəməsinin hakimlərini açıq-aşkar təhdid edir. Hansı ki, bu təhdid o hakimlərin sionist rejimini Qəzzədə soyqırım törətdiyinə görə məhkum edib, Qəzzə faciəsində rol oynadıqları üçün Netanyahu və Qallantın həbs olunmaları üçün hökm vermək niyyətində olduqlarına görədir. Amma digər tərəfdən də, ABŞ öz məhkəmələrində sionistlərin ölümü ilə nəticələnən addım atmaları ilə bağlı süst dəlillərlə HƏMAS rəhbərlərindən şikayət edir.
Amerikanın başçılıq etdiyi belə bir sistemdə heç kəs cürət edib, Amerikaya deyə bilmir ki, HƏMAS-ın 7 Oktyabrda həyata keçirdiyi əməliyyat beynəlxalq qanunlara əsasən qanuni bir işdir. Sionist rejimi Fələstin torpaqlarını işğal edib və İordan çayının qərb sahilləri işğal olunmuş ərazilərdir. Buna görə də, beynəlxalq qanunlara əsasən, işğalçı qarşısında istənilən vasitə ilə müqavimət göstərmək hər bir millətin haqqıdır. Deməli, beynəlxalq məhkəmələrdə mühakimə olunması lazım olan terrorçu, sionist rejimidir. Bu rejim öz torpaqlarında olan fələstinliləri qətlə yetirir və torpaqları işğal olunmuş xalqın torpaqlarında işğalçıların məsuliyyəti barəsindəki beynəlxalq qanunları pozur.
Beləliklə də, Amerikanın beynəlxalq qanunları, BMT-ni və beynəlxalq məhkəmləri rəsmi şəkildə tanımadığını demək olar. ABŞ, fələstinliləri qətlə yetirmək, onları yurdlarından didərgin salmaq və mallarını talamaq üçün sionist rejimini ən qabaqcıl silahlarla tamamilə dəstəkləyir. Daha maraqlısı odur ki, dünyaya İsrailin qətl maşının insanları öldürməsinə mane olmağa imkan vermir və qurbanları əzmək üçün bütün imkanlardan istifadə edir.
ABŞ İranı nüvə bombası əldə etmək üçün cəhd etməsi ilə bağlı əsassız bəhanə ilə 40 ildən çoxdur ki, sanksiyalara məruz qoyub. Bu əsassız bəhanə onun heç vaxt sübut edə bilmədiyi bir yalandır. Bu, həmin Amerikadır ki, kütləvi qırğın silahına sahib olması bəhanəsi ilə İraqı işğa etdi, amma bir müddət sonra hər kəs onun iddiasının yalandan başqa bir şey olmadığını başa düşdü.
Sionist işğalçılığının milyonlarla insanın öldürülməsi, yaralanması və didərgin düşməsi ilə nəticələnməsinə baxmayaraq, onun bu cinayətlərə cavab verməsi üçün heç bir beynəlxalq addım atılmayıb. Hətta Venesuela prezidenti Nikolas Maduronun təyyarəsi, onun alqı-satqı müqaviləsinin Amerika qanunları ilə düz gəlmədiyi bəhanəsi ilə günorta vaxtı Dominikandan oğurlanaraq Florida ştatına aparılıb. Amma bütün dünya ABŞ-ın Maduro ilə düşmənçiliyinin, onun Venesuelanın neft və qazına tamahkarlığından yarandığı bilir. Çünki ABŞ Rusiyanın neft və qazınını dünya bazarlarından çıxarılmasına çalışır və Maduro Ameikanın bu məqsədinin həyata keçməsi yolunda keçilməz bir maneədir.
Ameikanın bəşəriyyətə qarşı davamlı təcavüzü ilə dolu qara tarixinə baxmayaraq, Qəzzə ABŞ-ın insan haqlarının müdafiəsi sahəsindəki boş iddialarına dair son yarpağı yerə tökdü və onun əsl mahiyyətini xüsusilə Amerika universitetlərindəki tələbələrin qiyamından və onların, bu ölkənin 11 aydır ki, sionist rejiminin Qəzzədə törətdiyi dəhşətli cinayətləri mütləq və kor-koranə şəkildə dəstəkləməsinə qarşı kütləvi etirazlarından sonra üzə çıxardı.
Sionist rejiminin törətdiyi cinayətlər indiyə qədər əksəriyyəti qadın və uşaqlardan ibarət olan 135 mindən çox fələstinlinin şəhid olması və yaralanması, 10 mindən çox fələstinlinin itkin düşməsi, yüzlərlə uşağı ölüm həddinə çatdıran böyük dağıntı və qıtlıqla nəticələnib. Amma bu faciələr Amerika qanunlarına və azad dünyanın qondarma lideri kimi dünyanı idarə edən Amerika sisteminə görə cinayət sayılmır!
