İşğalçılarla razılaşan ölkələr və Qərb sionist rejiminin Qəzzədə, İordan çayının qərb sahillərində, Cənubi Livanda və Yəməndə törətdiyi soyqrıma görə bu rejimi mükafatlandırır və onun bütün ehtiyaclarını təmin edirlər.
Londonda yenilənən “Rəy əl-Youm” elektron nəşrinin redaktoru “Əbdülbari Ətvan” məqalə dərc etməklə sionist rejiminin maliyyə naziri “Bezalel Smutriç”in Qəzzə sakinlərinin ac saxlanılması barəsindəki aparteid açıqlamasına işarə edərək yazıb: Bu açıqlama bizim üçün yeni və təəccüblü deyil. Bizim üçün təəccüblü və şokedici olan Qərbin reakiyasıdır. Hansı ki, Qərb ötən yüz il ərzində insan haqlarına hörmətdən dəm vurub, ərəb və müsəlman ölkələrini ittiham etməklə, rejimləri devirmək yaxud dəyişmək məqsədi ilə hərbi müdaxilə etmək üçün ondan bəhanə kimi istifadə edib və bu sahədə uzun bir siyahı mövcuddur.
Bu məqalədə deyilir: Sionist rejiminin maliyyə nazirinin irqi ayrı-seçkiliklə dolu açıqlamasından daha təhlükəli olan məsəslə qərblilərin və onların başında duran ABŞ-ın bəzi qınaqlaqla kifayətlənərək nəinki Tel-Əvivə qarşı sanksiyalardan danışmamaları, əksinə bu rejimin törətdiyi soyqrımı qanuni şəkildə özünümüdafiə olduğunu bildirmələridir.
Qəzzə sakinlərinin iki dənə çıxış yolu var; aclıq və susuzluq yaxud İsrail raketləri nəticəsində şəhadət və ya hər ikisi. Qəzzə sakinləri gözlərinin önündə övladlarının can verməsini görürlər və müharibə başlayan vaxtdan bəri 10 ay ərzində ən azı 4 dəfə yurdlarından didərgin düşüblər. Biz yoluxucu və dəri xəstliklərinin yayılması və dərman çatışmazlığı barəsində danışmırıq. Çünki bombardmanlar nəticəsində yaralananlar daha öndə dayanırlar.
İşğalçı rejimə minlərlə nəhəng bomba, yeni qırıcı təyyarə, tank və pilotsuz təyyarələr göndərmək üçün hava körpüsü quran, qətl və dağıntılar üçün bütün ehtiyaclarını təmin edən, törətdiyi soyqrıma görə onu mükafatlandıran Amerikanın başçılıq etdiyi bu vicdansız Qərbin zərrə qədər vicdanı və əxlaqı yoxdur və o, sükut etməyi seçib.
Müəllif məqaləsinin davamında sionist rejimi ordusu tərəfindən əl və ayağı bağlı fələstinli əsirlərə qarşı cinsi təcavüzü dəstəkləyən 47% sionist köçkününə toxunub və bildirib ki, bu hərəkətlər qarşısındakı səssizlik onlarla razılaşmaq, ört-basdır etmək və sionistləri daha çox cinayət, qətliam törətməyə, aclıq yaratmağa təşviq etməkdir.
Halbuki, fələstinli əsirlərə qarşı cinsi təcavüz barəsində ABŞ prezidenti “Co Bayden”dən bir kəlmə belə eşitmirik. Məqalə müəllifi ərəb kompromis ölkələrinə və onların sionist rejimini sorğu-sualsız dəstəkləməsinə də toxunaraq yazıb: İşğalçılarla razılaşan ölkələr sionist rejiminin Qəzzədə, İordan çayının qərb sahillərində, Cənubi Livanda və Yəməndə törətdiyi soyqrıma görə bu rejimi mükafatlandırır və onun bütün ehtiyaclarını təmin edirlər. Onlar bu sahədə quru körpülər qurublar və qatillərlə yaxşı qonşuluğa təkid edirlər.
Bu ölkələr işğalçıların meyvə, tərəvəz, ət və balıq ehtiyaclarını təmin edirlər. Digər tərəfdən də aclıq və susuzluqdan skeletə dönmüş yaxud işğalçıların bombaları nəticəsində şəhid olmuş uşaqlardan üz çevirib, onları gömək istəmirlər. Bu, biabırçılıqdır. Bu ərəb ölkələrinin rəhbərləri vicdansız, əxlaqsız və sionistlərin özündən daha çox sionistdirlər.
Bu məqalədə Qəzzədə və İordan çayının qərb sahillərindəki müqavimətçilər, Cənubi Livanda, Yəməndə və İraqdakı döyüşçülər təriflənərək cəsur insanlar kimi qeyd edilib. Hansı ki, onlar işğalçılarla mübarizə aparıb, sionistləri psixoloji və iqtisadi cəhətdən taqətdən salıb, onların təhlükəsizliyini, sabitliyini və çəkindiricilik qabiliyyətini əllərindən alıb, sionist generalları və məmurları arasında qorxu yaradıblar.
