İngiltərəli tədqiqatçı bir jurnalist Avropa ölkələrinin sionist rejiminə silah göndərilməsinin dayandırılması ilə bağlı iddialarına rəğmən, digər ölkələr və gizli ticarət vasitəsilə bu rejimi silahla təmin etməyə davam etmələrini ifşa edib.
Xarici KİV-in verdiyi məlumata əsasən, Belçika, Hollandiya, İtaliya və İngiltərə kimi ölkələr İsrail rejiminə silah satışının dayandırılmasını elan etmələrinə baxmayaraq, beynəlxalq mediaların hesabatları bu ölkələrin iddialarının əksini göstərir.
Xəbər agentliklərindən birinin yazdığına görə, Britaniya bir müddət əvvəl iddia etmişdi ki, Oktyabrın 7-dən, yəni əl-Əqsa Fırtınası əməliyyatının icra olunması və sionist rejiminin Qəzzə zolağına qarşı amansız müharibəsi başlayan vaxtdan indiyə qədər birbaşa olaraq İsrail rejiminə silah verməyib. Amma bəzi hesablamalar Britaniyanın özəl şirkətlərinin İsrail rejiminə silah satışına davam etməsini göstərir.
Həmçinin bəzi məlumatlar İtaliyanın da öz qanunlarına uyğun olaraq sionist rejiminə silah verilməsini dayandırdığını göstərirdi. Amma İtaliyanın “Alterkonomia” adlı ticarət jurnalı hesabatında bildirib ki, ölkənin gömrük təşkilatının məlumatları 2023-cü ilin Dekabrından 2024-cü ilin Yanvar ayına qədər Romadan Tel-Əvivə silah və sursatlar ixrac edildiyini təsdiqləyir.
Norveç qanunlarının müharibədə iştirak edən istənilən tərəfə silah satışını qadağan etməsinə baxmayaraq, xəbər agentliklərindən birinin hesabatına əsasən, İsrail rejimi Oslonun səhmlərinin 50%-nə sahib olduğu hərbi şirkətin Amerika şöbəsi tərəfindən istehsal edilmiş silahları alıb.
Kiprin yunan hissəsinin hökuməti zahirdə kağız üzərində sionist rejiminə ən az silah göndərməyə sahib olub. Amma verilən məlumatlara əsasən, məlum olub ki, Qərb ölkələri ondan bu rejimə göndərilməsi nəzərdə tutulan xüsusi hərbi silahların ehtiyat anbarı kimi istifadə edirlər.
Media xəbərləri göstərir ki, İngiltərə Qəzzə müharibəsi başlayandan bəri Cənubi Kiprdəki hərbi bazası vasitəsi ilə sionist rejiminə silah və texnika çatdırmaq üçün 30-dan çox hərbi nəqliyyat uçuşuna şərait yaradıb.
Britaniyalı jurnalist “İan Overton” verdiyi müsahibədə bildirib: Almaniya, Fransa, İtaliya, Spaniya və İngiltərə də daxil olmaqla, demək olar ki, bütün Avropa ölkələri keçmişdə sionist rejiminə silah ixrac ediblər. Onlardan bir çoxu bugün də bu ixracatı davam etdirir.
Britaniyalı bu tədqiqatçı jurnalist açıqlayıb: Britaniya ötən Oktyabr ayının 7-dən indiyədək İsrailə silah ixracı üçün 100 lisenziya verib, halbu ki, bunu aylarla gizlin saxlayıb.
O, xatırladıb ki, digər Avropa ölkələrinin bir çoxu da sionist rejiminə silah satır. Amma əksəriyyəti bunu camaatdan gizlədir.
Overton vurğulayıb ki, bəzi Avropa ölkələrinin İsrail rejiminə silah satışını dayandırmaq qərarına gəlmələri o demək deyil ki, bu rejimə silah verilməsinin qarşısını tamamilə alıblar.
O, əlavə edərək deyib: Belçika, İtaliya, Sloveniya və Norveç İsrail rejiminə silah satışını məhdudlaşdırıblar. Amma onlar bunu mütləq şəkildə dayandırmayıblar.
Bu avropalı jurnalist bildirib ki, Almaniya da Yanvar-21 Fevral tarixləri arasında 9 milyon avodan çox dəyərində İsrailə mal ixracı üçün lisenziya təsdiqləyib və bunların əksəriyyəti silaha şamildir.
Overton, həmçinin deyib: Avropa ölkələri sionist rejiminə olan silah ixracatlarını çox vaxt üçüncü ölkədən istifadə edtməklə gizlədirlər. Silah ticarəti barəsində araşdırmalar üçün ən əsas problem silah istehsalı ilə məşğul olan bir çox komponentlərin və törəmə müəssisələrin mənşəyini izləməkdir. Bu problem bir ölkənin başqasına bilərəkdən silah verməsini üzə çıxarmağı və sübut etməyi çətinləşdirir.”
Bu tədqiqatçı jurnalist, həmçinin deyib ki, bəzi ölkələr beynəlxalq məhdudiyyətlərin yaxud mənfi media işıqlandırılmasının qarşısını almaq üçün bu yoldan istifadə etməklə İsrailə silah göndərməyə davam edirlər.
O, əlavə edib: “Onların texnikaları üçüncü ölkəyə göndərmələri və üçüncü ölkənin onları İsrailə göndərməsi həmin ölkələrin bu silahın emalı prosesindəki işini asanlaşdırır.”
Bundan əlavə, Overton bildirib ki, hətta əgər İsrailin soyqrım törətməsi sübuta yetərsə, bu rejimə silah ixrac edənlər günahsız olduqlarını iddia edə bilərlər. O, bu barədə deyib: “İsrailə silah ixrac edən hər kəs bu vaxta qədər bu mövzunun sübut olmadığını və buna görə də, qanunları pozmadıqlarını deyə biləcəklər.”
O, həmçinin vurğulayıb: “Buna görə də, mən düşünürəm ki, biz bu müharibədə beynəlxalq humanitar qanunların iflasa uğradının şahidi olmuşuq və bu, BMT, Beynəlxalq Cinayət Məhkəməsi və beynəlxalq təşkilatlar kimi təşkilatlar üçün ekzistensial böhran yaradır.”
