İbrani mediaları İsrail ordusunun əli ilə öldürülən sionist əsirlərinin audio klipini yayıblar. Bu audio klipdə israilli iki əsirin sionist hərbiçilərindən kömək istədikləri zaman onların açdıqları atəş nəticəsində öldürüldükləri göstərilir.
Qəzzə müharibəsi başlayandan yəni, 5 ay öncədən indiyə qədər sionist əsgərlərinin müxtəlif üsullarla özlərinə xəsarət yetirmələri barədə çoxlu məlumatlar dərc olunub. Hətta Qəzzədəki israilli əsirlərin bəzisi bu rejimin ordu qüvvələri tərəfindən öldürülüb. İbrani medialar sionist ordusunun sözlərinə görə, Qəzzədə 65 günlük əsirlikdən sonra İsrail hərbiçiləri tərəfindən “səhvən” öldürülən israilli iki əsirin səs yazısını yayıblar.
İlk dəfə bu audio klipi sionist rejiminin Radio və Televiziya Təşkilatı yayımlayıb və orada “Alon” və “Yutam” adlı iki sionist əsirinin bir evdə olduqları və İsrail ordusundan kömək istədikləri, onlara atəş açmamalarını istədikləri göstərilir.
Bu audio çarxda onların belə dedikləri eşidilir: Biz pilləkənlərin altındayıq…Burada heç kim yoxdur…Atəş açmayın…Biz israilli əsirlərik…Bizi xilas edin.
Alonun qardaşı Yunatan Şimriz deyib: İsrail ordusuna məxsus qüvvələr tərəfindən öldürülməmişdən öncə qardaşımın səsini eşidəndə göz yaşlarım axdı və damarımda qan bir neçə dəqiqəlik dondu.
Alonun atası da deyib ki, ordunun israilli əsirləri öldürməsi təəssüfedici bir haldır.
Bu, sionist ordusunun israilli əsirləri öldürməsini sübut edən ilk hadisə deyil. Çünki, bundan əvvəl də bildirilmişdi ki, ağ parça qaldıran və sionist hərbiçiləri ilə ibri dilində danışan 3 əsir İsrail qüvvələri tərəfindən öldürülüb.
2023-cü il Oktyabrın 7-də müqavimət qüvvələrinin “əl-Əqsa Fırtınası” əməliyyatının icra növü onu göstərir ki, HƏMAS-ın bu əməliyyatı həyata keçirməkdə məqsədi sionist hərbi qüvvələrini maksimum qədər əsir götürmək idi. Çünki, müqavimət qətliam niyyətində olsaydı, qısa müddət ərzində itki vermədən geniş həcimli qətliam törətmə imkanına sahib idi. Amma bu, baş vermədi.
Xarici KİV-in verdiyi məlumata görə, bəzi sionist qəzetlərinin 7 Oktyabrdan sonra dərc etdikləri bütün məlumatlar onu göstərir ki, sionist rejimi ordusu daha çox sionist əsirinin Qəzzə zolağına keçməməsi üçün onların əhəmiyyəti hissəsini hədəfə alıb. Bu barədə olan ən dəqiq məlumat Beiri şəhərindəki musiqi festivalı ilə bağlıdır. Beiri festivalında iştirak edənlər atəş səsləri eşitməklə və müqavimət qüvvələrinin əməliyyat keçirdiklərindən xəbərdar olmaqla festival salonundan çıxıblar. Onlardan bəzisi müqavimət tərəfindən əsir götürülüb. Amma onlar qəflətən sionist rejiminə məxsus helikopterlərin hücumu ilə üzləşiblər. Onların əhəmiyyətli bir hissəsi ətrafdakı çöllüklərə tərəf qaçıblar və daha sonra sionist rejiminin helikopterlərinin hücumu ilə öldürülüblər ki, müqavimət qüvvələrinə əsir düşməsinlər.
Əslində, İsrail ordusu bu sahədə olan “Hannibal Protokolu”-ndan istifadə edib. Hannibal Protokolu İsrail ordusunun 1986-cı ildən icra olunan əsaslarından biridir. Bu protokola əsasən, əgər bir hərbiçi düşmən əlinə əsir düşərsə, komandirlərin onun əsirliyinin qarşısını almaq üçün hər bir addım atmağa icazələri var, hətta bu addım əsir düşmüş hərbiçinin həyatını təhlükəyə atsa belə. 1986-ci ildən və bir neçə sionist hərbiçisinin Livan Hizbullahı tərəfindən əsir düşməsindən sonra, sionist rejimi ordusu tərəfindən hərbiçilərin əsirliklərinin qarşısını almaq üçün Hannibal Protokolu həyata keçirilib.
