Tanınmış ABŞ qəzetlərindən biri adları açıqlanmayan amerikalı rəsmilərə istinadən verdiyi hesabatda yazıb ki, ABŞ-ın Mərkəzi Kəşfiyyat İdarəsi (CIA) HƏMAS liderləri və həmçinin israilli əsirlərin Qəzzədəki yeri barəsində məlumatları kəşf edərək sionist rejiminin ixtixarına verməsi üçün yeni bir qrup təşkil edib.
Qəzet bu hesabatda amerikalı rəsmilərə istinadən bildirib ki, Vaşinqton dron uçuşlarını və Qəzzə səmasında kəşfiyyatları artırmaqla HƏMAS liderləri barəsindəki məlumatları toplamağı gücləndirib.
Həmçinin bu hesabata görə, ABŞ HƏMAS liderləri arasındakı əlaqələri izləmək üçün səylərini artırıb.
Bu hesabat əlavə edib: HƏMAS-ın Oktyabrın 7-dəki hücumlarından sonra ABŞ-ın Mərkəzi Kəşfiyyat İdarəsi (CIA) HƏMAS-ın yüksək rütbəli rəhbərləri barəsindəki məlumatları toplamaq və Tel-Əvivin yüksək rütbəli komandirlərinə təqdim etmək üçün təcili təhlükəsizlik qrupu təşkil edib.
Hesabata əsasən, Ağ Evin Milli Təklükəsizlik müşaviri Ceyk Sallivan Oktyabrın 7-dən sonra təhlükəsizlik təşkilatlarına və ABŞ Müdafiə Nazirliyinə nota göndərib və HƏMAS liderləri barəsindəki məlumatlar toplamaq üçün bir qrup təşkil etmələrinə göstəriş verib.
Qəzetin yazdığına görə, HƏMAS-ın yüksək rütbəli rəhbərləri barəsindəki məlumatları toplamaq üçün bu qrupun təşkil olunması Ağ Evin bu sahədə məlumat toplamaqda öncüllüyünü ifadə edir.
Bu hesabata əsasən, eyni zamanda amerikalı rəsmilər deyiblər ki, Vaşinqton Saleh əl-Aruriyə Beyrut ətrafında (İslam Müqaviməti Hərəkatının siyası ofisinin rəis müavini) hücum üçün izləmə məlumatlarını İsrail ordusuna təqdim etməyib.
Bu hesabat əlavə edib: Həmçinin ABŞ-ın Yəmənə geniş hərbi müdaxilələri dünya ictimaiyyətinin fikində Vaşinqtonun birbaşa olaraq regional müharibədə İsrail rejimi tərəfindən çıxış etməsinə dair düşüncəni gücləndirib.
Xəbər mediaları daha öncə də ABŞ-ın sionist rejiminə Qəzzəni bombalamaq üçün casusluq köməyini ifşa etmişdilər.
Xəbər mediaları bildirmişdilər ki, Britaniyanın Kiprdəki hərbi bazasındakı (Akrotiri) ABŞ-ın casusluq təyyarələri Livan və Qəzzə səmasında uçmaqla əldə olunmuş məlumatları İsrail rejiminin ixtiyarına vermişdiilər.
Adının açıqlanmasını istəməyən britaniya rəsmisi media mənbələrinə verdiyi müsahibədə kəşfiyyat məlumatlarının üçüncü hökumətlərə ötürüldüyünü bildirib.
Bu ingilis rəsmisinin bildirdiyinə görə, Britaniyanın Kiprdəki hərbi bazası (Akrotiri) Qəzzənin bombalanmasıda İsrail rejiminin hücumlarına beynəlxalq hərbi dəstək üçün bir mərkəzə çevrilib.
Bu İngiltərə rəsmisi əlavə edib: “İngiltərə bazasından ABŞ-ın casusluq missiyaları üçün istifadə olunması barədə Kipr hökuməti ilə həssaslıqlar var.
İngiltərə Müdafiə Nazirliyi Kiprdən toplanan məlumatların İsrail rejimi ilə paylaşılıb-paylaşılmadığına aydınlıq gətirməkdən imtina edib.
Şimali Kipr Türk Respublikasının prezidenti “Ersin Tatar” da bazar ertəsi günü bildirib: “Əgər İngiltərənin Kiprdəki öz bazalarından İsrailə silah ötürülməsi üçün bir kanal olaraq istifadə etməsinə dair iddialar doğru olarsa, bu, biz tərəfdən xoş qarşılanmayacaq.”
