ABŞ prezidenti, onun sionist rejiminin Qəzzə zolağına qarşı apardığı müharibəyə olan mövqeyinə etiraz olaraq ölkənin bəzi şəhərlərində genişlənməkdə olan nümayişlər zamanı bəzi şüarların və ifadələrin təkrarlanmasından yaranan “güclü narahatlığını” birüzə verib.
Co Bayden bu şüarlar və təsvirlərə qarşı öz “qəzəbini” təkcə şifahi olaraq bildirməyib, həm də bu “ifadələrin və şüarların” arxasında dayanan qrupları izləmək üçün məşvərət komitəsi yaradılmasına göstəriş verib. O, bu şüarları “zülmkar və ədalətsiz” və xalqın seçki əhval-ruhiyyəsinə təsir edən adlandırıb.
Ağ Evdə sosial media platformalarına nəzarət edən qrup fasiləsiz olaraq texniki bir komitə yaradıb və dəqiq araşdırmalardan sonra bu sosial şəbəkələrdə və nümayişlərdə daha çox təkrarlanan üç ifadə və şüar müəyyənləşdirilib: “qəssab Co”, “yatmış Co”, “Co bugün neçə uşaq öldürdü?”
ABŞ-ın İsrailə verdiyi və bu rejimin Qəzzə zolağındakı insanların başına tökdüyü bir tonluq bombaların səsi Co Baydeni İsrail meyilli yuxusundan oyatmadı. Deməli, onu “yatmış Co” səsləmək daha yaxşıdır.
Fələstinli şəhidlərin və yaralıların sayının 80 000-ə yaxınlaşdığı bir vaxtda, Qəzzə holokostunun və əhalisinin məhv olmasının qarşısını almaq üçün bütün dünyanın atəşkəs istədiyi və bu atəşkəsə qarşı çıxan, Netanyahudan təcavüzləri davam etdirməsini istəyən yeganə şəxsin Bayden olduğu bir vaxtda, onu “qəssab Co” səsləmək lazımdır.
Bayden BMT-nin baş katibinin səylərini və onun Təhlükəsizlik Şurasından Qəzzə zolağında humanitar atəşkəslə bağlı iclas keçirməsini istəməsini təsirsiz etdiyi vaxt, ABŞ-ın Qəzzədəki qan selinə son qoymaq istiqamətində qəbul olunan hər növ qətnamələrin nəticəsiz qalması üçün veto haqqından istifadə etdiyi bir vaxt, Amerika xalqının və bütün millətlərin Baydendən belə bir sual soruşmaq haqları var: “Co, bugün neçə uşaq öldürmüsən?”
Aydın məsələdir ki, Amerika “azad dünyanın lideri” olduğunu iddia edir. Demokratiya, azadlıq və insan haqları şüarlarını təkrarlamasına baxmayaraq, öz qanlı tarixindən azad olmayıb. Etnik ata-baba torpağını müsadirə edib üzərində qurulan yeganə qəsb edilmiş ölkə Amerikadır. Baydenin qəzəbi onu Qəzzə qadınlarının və uşaqlarının qatili adlandırdıqlarına görə deyil, əksinə onun və Amerikanın layiq olduğunu bildiyi ifadələrə görədir və o, seçkilərdə uduzacağından qorxur.
Diqqət olunası nöqtə budur ki, Bayden sosial medialara nəzarət, məzmunlarının senzurası və bu şüarların arxasında dayanan fərdləri beşikdə ikən boğmaqdan ötrü komitələrin və qrupların yaradılmasına göstəriş verib. Əslində, bu hərəkət ABŞ-ın söz azadlığı haqqını müdafiə etməsi barəsindəki iddialarını pozmaqdır və elə buna görə də, ölkələri və xalqları mühasirəyə alaraq iqtisadi sanksiyaya məruz qoyub.
