Sionist rejimi meksikalı 43 tələbənin qətlində ittiham olunanlardan birinə elə bir zamanda sığınacaq verib ki, bu rejimin baş naziri bu işin tərəflərinin aydınlaşması üçün Meksika hökuməti ilə əməkdaşlıq edəcəyinə söz verib. Amma ittiham olunan şəxsin ekstradisiyası ilə bağlı bir söz deməyib.
Xarici KİV-in verdiyi məlumata görə, Meksika Respublikasının prezidenti “Andres Manuel Lopez Obrador” sionist rejiminin baş naziri Benyamin Netanyahunun 43 tələbənin oğurlanaraq öldürülməsi ilə bağlı tədqiqatlarda əməkdaşlıq üçün göndərdiyi məktubun cavabında əməkdaşlığına dair söz verməsini bildirib.
Meksika Respublikasının prezidenti bundan əvvəl sionist rejiminin keçmiş baş naziri Naftali Bennettə ünvanladığı məktubda 2014-2016-cı illərdə meksikalı 43 şagirdin oğurlanaraq öldürülməsi işində təqsirli bilinənlərdən biri olan “Tomas Zeron”-nun ekstradisiya olunmasını tələb etmişdi. Zeron, həmçinin qurbanların işgəncə olunması və 50 milyon dolların mənimsənilməsində ittitam olunur.
Zeron, Obradorun 2019-cu ildə prezident seçkilərindəki qələbəsindən sonra işğal altındakı torpaqlara qaçıb. O, Meksikanın Axtarış Agentliyinin keçmiş rəhbəri olaraq, kollecdən 43 tələbənin oğurlanması ilə bağlı işə baxılmasını gizlətməkdə və axtarışların nəticə verməsinə mane olmaqda ittiham olunur.
Ölkənin cənub-qərbində yerləşən “Guerrero” əyalətindəki o vaxtkı Meksika polisi öz kolleclərindən etirazların keçirildiyi yerə gedən tələbələrini oğurlamaqda və bir narkotik kartelinə verməkdə ittiham olunur. Narkotik qaçaqçılığı ilə məşğul olan bu dəstənin üzvləri tələbələri öldürüb, yandırdıqdan sonra cəsədlərinin külünü çaya töküblər.
İngilis jurnallarından biri, 2021-ci ildə “Pegasus” casus proqramları istehsal edən İsrail şirkətinin (N.S.O) Zeronun işğal olunmuş torpaqlara qaçmasına kömək etməsini bildirmişdi.
Amerika jurnallarından biri də 2022-ci ildə bu işin istintaq komissiyasının rəhbəri “Alexandro Ensinas”-ın Tel-Əvivə səfəri barədə xəbər vermişdi.
Bu hesabata əsasən, Alexandro Zerona 43 tələbənin qətlə yetirilməsi işi barədə düzgün məlumat verməklə Meksika Respublikasının prezidentinin əfvinə nail olmasını təkilf edib.
Sionist rejiminin Zerona sığınacaq verməsinə etiraz edənlər 2021-ci ilin Sentyabrında rejimin Mexiko şəhərindəki səfirliyinə hücum edib, onun ekstradisiyasını tələb etmişdilər.
Meksikalı etirazçılar sionist rejiminin səfirlik binasına ziyan vurmuş və divarlarına “İsrailə ölüm olsun” şüarı yazmışdılar.
