Rusiya TV kanallarından birində yayımlanan sənədli film, ABŞ koalisiya qüvvələrinin İraqdakı hərbi cinayətləri barəsində dəhşətli həqiqətləri ifşa edib.
Rəyul-Yəvm jurnalının baş redaktoru Əbdul-Bari Ətvan bu jurnalda bir məqalə dərc edərək deyib ki, Amerikanın İraqa hücumunun və bu ölkənin torpağını işğal etməsinin 20-ci ildönümü münasibəti ilə Rusiyanın hazırladığı bir film, Vaşinqtonun İraqda hərbi cinayətlərinin və zəiflədilmiş uran bombalarından istifadə etməsinin üzərindən pərdə götürüb.
Bu sənədli filmdə Bağdad hava limanı döyüşlərində iraqlı əsgərlərin qəhrəmanlıqla göstərdikləri əzmkarlıq nümayiş etdirilib.
Bu sənədli filmdə iki əsas məqama işarə olunub:
1 – Üç gündən çox çəkən Bağdad hava limanı döyüşündə İraq ordusunun əzmkarlığı. Təcavüzkar qüvvələr böyük itkilər verməyinə baxmayaraq, döyüş onların qələbəsi ilə sona çatıb. Çünki, ABŞ-ın ən qabaqcıl imkanları, “F-16” qırıcılarının hava əhatəsi və “Apache” helikopterlərinə sahib idilər. Amma daha mühüm olan məqam budur ki, ABŞ qüvvələri zəiflədilmiş uran bombalarından istifadə ediblər. Təcavüzkarlar İraq tanklarını məhv etməklə Bağdad hava limanının müdafiə qüvvələri üzərində üstünlük qazanıblar.
2 – ABŞ qüvvələrinin iraqlı məhbuslara, xüsusilə Əbu Ğərib zindanındakı məhbuslara qarşı həyata keçirdikləri dünyanın heç bir yerındə görünməmiş qorxunc işgəncələr kimi həqiqətləri gizlətmək.
Xatırlatmaq lazımdır ki, bu işgəncələr ABŞ əsgərlərinin, CIA agentlərinin nəzarəti və ölkənin Müdafiə Nazirliyinin icazəsi ilə baş verib. Bu işgəncələr 92 kasetdə lentə alınıb. Bu filmlərdən bəziləri qorxu, vəhşət yaratmaq, işgəncə vermə məqsədli qorxutma üçün digər məhbuslara göstərilib. Amma fasiləsiz olaraq Corc W. Buşun (kiçik Buş) administrasiyası, bu işgəncələrin dünya ictimaiyyəti qarşısında üzə çıxmasının qarşısını almaq üçün onların məhv edilməsi ilə bağlı göstəriş verib.
Bəziləri düşünürlər ki, bu sənədli filmin Rusiya hakimiyyəti tərəfindən nümayiş olunması, son günlərdə Rusiya prezidenti Viladimir Putinə qarşı ABŞ tərəfindən işə salınmış kampaniyaya cavabdır.
Putinə qarşı irəli sürülən ittihamların siyasi motivli olduğunu demək olar. Amma İraqla əlaqədar ABŞ ordusuna qarşı olan ittihamlar hərbi cinayətlər və məhbuslara verilən işgəncələrlə bağlıdır ki, səs və video şəkilində sənədləşdirilib.
Həmçinin, beynəlxalq qanunlara əsasən, zəiflədilmiş urandan istifadə etmək qadağandır, amma amerikalılar ondan istifadə etməklə yüz minlərlə iraqlının, o cümlədən əsgərlər və mülki vətəndaşların ölümünə səbəb olublar.
Qeyd olunmalıdır ki, bu maddələr şüalanmaya və xərçəng xəstəliyinin artmasına səbəb olur və onun zərərli təsirləri uzun müddət davam edir.
Britaniya qəzeti (Declassified UK) da 1991-2003- cü illərdə Britaniya qüvvələri tərəfindən İraqdakı obyektlərə atılan bombaların və raketlərin 2.3 tondan çox zəiflədilmiş urana sahib olmalarını təsdiqləyib. İngiltərə Müdafiə Nazirliyi bu günahı etiraf etməklə, İraqda o zaman 420-dən çox adlı çəkilən bomba ilə bombalanmış nüvə şüalanması olan bölgələrin təmizlənməsində iştirak etmək üçün hazır olduğunu bildirib.
Ağrılı məqam budur ki, İngiltərə Müdafiə Nazirliyi bir neçə həftə bundan əvvəl Ukraniya ordusuna zəiflədilmiş urana sahib sursat göndərməsi ilə bağlı söz verib. Bu onu göstərir ki, hələ də öz keçmiş səhvlərindən dərs almayıb.
İngiltərənin bu addımının Rusiyanın cavabı və nüvə bombalarından istifadə etmə təhdidi ilə üzləşməsi çox lazımlı idi.
İndi belə bir sual yaranır ki, Beynəlxalq Cinayət Məhkəməsində kimin olması layiqlidir? Corc W. Buş, ABŞ-ın keçmiş prezdenti, müavini Dik Çeni, onun müdafiə naziri Donald Ramsfeld, müavini Riçard Pörl, çılpaq halda iraqlı məhbuslarla və işgəncəyə məruz qalanlarla şəkil çəkdirməyi çox sevən və bundan ləzzət alan “işgəncə verən general” ləqəbli Cina Haspel.
Xatırlatmaq lazımdır ki, bu general hərbi cinayətlər ittihamı ilə cəzalanmaq əvəzinə Donald Trampın prezidentliyi dövründə Mərkəzi Kəşfiyyat İdarəsinin rəisi (CIA) seçilib. Əslində, o, vəzifələndirilib və mükafatlandırılıb.
Bağdad hava limanı döyüşündə mərdanə dayanan, döyüşən və 3 gündən çox ABŞ qüvvələrinin Bağdada tərəf irəliləməsinin qarşısını alan iraqlı qəhrəman əsgərlərin hamısı şəhid oldular.
Təəssüflər ki, ötən 20 ildə bu vətən pərvər, şüacətli, ökələrini müdafiə edən iraqlı əsgər və zabitlərin xatirələrinin əziz tutulmaları ilə bağlı bir kəlmə də eşitməmişik.
Xüsusən də, İraq Parlamentinin bütün ABŞ qüvvələrinin çıxarılması və onların bu ölkədəki bazalarının bağlanmasını tələb etdiyi vaxt, iraqlı məsul şəxslərin bu qəhrəmanların xatirəsini yad etmələri gözlənilirdi.
Ümumiyyətlə, Amerikanın cinayətkarlığı nəticəsində bir milyon iraqlı zəiflədilmiş uranlı bombalarla bombalanma zamanı həyatlarını itiriblər. Digər bir milyon insan da amerikalı işğalçıların 13 ildən çox çəkən mühasirəsində dünyadan çöküblər.
Bu məlumatlar Britaniyanın ən məşhur və ən etibarlı jurnalı (The Lancet) tərəfindən geniş sahə tədqiqatı yolu ilə sənədli şəkildə öz oxucularına təqdim edilmişdi.
Həmçinin, bu ölkənin Mərkəzi Bankının qızıllarının, İraqın tarixi əsərlərində mövcud olan antik əşyaların və neftin oğurlanma və İraq ordusunun dağılma müəmmasının həlli barəsində heç bir xəbər yoxdur.
İraqın milli partiyalarının hökumətin dəstəyi ilə və şəhidlərin hörmətinə, ABŞ-ın bütün hərbi cinayətlərini canlandıran və həmişəlik tarixin yaddaşına yazan sənədli filmlər hazırlamalarına ümid edilir.
Bu sənədli filmləri hazırlamaq üçün o zamanda yaşayan şahidlərin ifadələrindən bəhrələnmək və İraqın, onun böyük irsinin ehtiramına məzhəb fərqlərindən daha mühüm olan mövzulara toxunmaq olar.