Xarici KİV-in verdiyi məlumata görə, “FBI”-ın 2021-ci ildəki məlumatlar üzərindəki təhlili göstərir ki, ABŞ-da nifrətamiz cinayətlər artmaqda davam edib və yeni rekord həddinə çatıb.
Verilən hesabatlar 2021-ci ildə ABŞ-da nifrətdən yaranan 9065 cinayətin qeydə alındığını göstərir. Halbuki, bu statistika, əvvəlki illərdə 8120 cinayət olub.
Kaliforniya ştatının universitetində Ekstrimizn və Nifrət Araşdırmaları Mərkəzinin direktoru Brayan Levin, deyib: “Biz elə bir təəccüblü və narahatedici dövrdə yaşayırıq ki, nifrətdən qaynaqlanan cinayətlər uzun müddətdir davam edir.”
Bu məlumatlar göstərir ki, qaradərililər digər irqlərdən daha çox nifrət motivlərinə hədəf seçiliblər. Bu cinayətlərin 2233-ü qaradərililərə qarşı həyata keçirilib.
FBI əlavə edib ki, bu cinayətlərin qurbanlarının 65.4%-i irqinə, etnik mənsubiyyətinə ya da əcdadına görə, 14.1%-i isə dininə görə hədəfə alınıb.
ABŞ-ın baş prokroru, bir müddət əvvəl Amerika Birləşmiş Ştatları boyunca nifrətdən yaranan cinayətlərlə mübarizə aparmaq üçün daha çox addımlar atılması barədə vədə vermişdi.
2021-ci ildə Buffalo şəhərində irqi motivasiyalı bir atışmada 10 nəfər qaradərili hədəfə alınmışdı.
Keçən il də New-York polisi bildirmişdi ki, bu şəhərdə Asiya mənşəli amerikalılara qarşı nifrət cinayətləri 3 dəfədən çox artıb.
New-York polisinin Nifrət Cinayətlərinin İstintaq Şurası 2021-ci ilin Dekabrında verdiyi bir hesabatda bildirmişdi ki, 2020-ci ildə Asiya mənşəlilərə qarşı 28 belə cinayət baş verib. Bu rəqəm 2021-ci ildə 129-a çatıb.
Bu Şura keçirdiyi mətbuat konfransında bildirib ki, ümumilikdə 2021-ci ilin başlanğıcından New-Yorkda təxminən 250-sində günahkarın həbs olunması ilə nəticələnən 500-ə yaxın nifətdən yaranan cinayət baş verib. Bu statistika, 2020-ci ilə nisbətdə 106 dəfə artıb.
