İsrail mediası ötən il (2024-cü il) rejim hərbçiləri arasında intihar nisbətinin 2023-cü ilə nisbətən əhəmiyyətli dərəcədə artdığını bildirib.
İRNA-nın cümə axşamı Fələstinin xəbər agentliyinə istinadən verdiyi məlumata görə, sionist dairələrin xəbərləri əksəriyyəti ehtiyatda olan sionist əsgərlər arasında intihar hallarının əhəmiyyətli dərəcədə artmasından xəbər verir.
Sionist internet saytı bununla bağlı xəbər yayaraq bildirib ki, 2023-cü il Oktyabrın 7-də Qəzzə müharibəsi başlayandan sonra intihar edən əsgər və ehtiyatda olan hərbçilərin hekayəti bu günə qədər sirr olaraq qalır.
Bu hesabata görə, 2025-ci ilin əvvəlində İsrail rejiminin ordusu 2023-2024-cü illər arasında qurbanların adları ilə bağlı statistik məlumatları dərc edib ki, bu da İsrail hərbiçiləri arasında intiharların əhəmiyyətli dərəcədə artdığını göstərir.
Statistik məlumatlara görə, ötən il (2024-cü ildə) 21 İsrail əsgəri intihar edib ki, bu da 2011-ci ildən bəri ən yüksək göstəricidir. 2023-cü ildə intihar edən əsgərlərin sayı isə 17 olub. (İsrail əsgərləri arasında intihara cəhdlərdə 23.53% artım)
Statistika göstərir ki, ötən il intihar edən hərbiçilərin əksəriyyəti ehtiyatda olan əsgərlərdir. Buna baxmayaraq, İsrail ordusu Qəzzə müharibəsi başlayandan bəri orduya cəlb olunan əsgərlərin sayının təxminən iki dəfə artdığı üçün intihar edən əsgərlərin sayının çox olmadığını iddia edir.
Bir neçə gün əvvəl tanınmış sionist qəzeti Tel-Əviv Universitetinin apardığı araşdırmanın nəticələrinə dair hesabat dərc edərək Qəzzədə döyüşən ehtiyatda olan hərbçilərin 12%-nin ağır psixoloji pozuntulardan əziyyət çəkdiyini bildirib.
Qəzet əlavə olaraq qeyd edib ki, ehtiyatda olan hərbiçilərin psixoloji pozğunluqları onları rejim ordusunda hərbi xidmətə hazırlıqsız edib.
Bu qəzet daha əvvəl “Əqsa Fırtınası” əməliyyatından sonra rejim hərbiçiləri arasında ruhi xəstəliklərin 6 dəfə artdığını bildirmişdi.
Bu hesabata görə, 7 Oktyabr 2023-cü ildən bəri intihar etməyi düşünən və ya intiharla hədələyən sionist hərbiçilərinin sayı da 145% artıb.
