Təkcə 7 ayı arxada qalan 2024-cü ildə sionist rejiminin terror tarixi çox qanlı və qaradır.
Uzaq keçmişdən indiyə qədər terroru həmişə öz gündəmində saxlayan yeganə rejim sionist rejimidir. Bu barədə çoxlu filmlər çəkilib, kitablar nəşr olunub və hətta bu rejimin casuslarının bu mövzu barəsindəki xatirələrində çoxlu sitatlar müşahidə olunub.
Sionist rejimi 1950-c illərdən etibarən, terror və təmizləmə siyasətini sabit doktrina kimi qəbul edib, amma bu hərəkətin siyasi və hüquqi nəticələrini nəzərə almayıb. Sionist rejimi terrordan döyüş zəifliklərini ört-basdır etmək üçün çıxış yolu kimi istifadə edir. Bu istiqamətdə komandirlərə və əsas qüvvələrə zərbə vurmağa və onları aradan qaldırmağa çalışır.
İfşa olunan məlumatlar Amerika şirkətlərinin, o cümlədən Facebook, WhatsapApp və Instagram-ın sahibi olan Metanın xüsusilə fələstinlilər barəsindəki məlumatları sionist rejiminə verdiyini göstərir.
Bu rejimin terror sahəsindəki dəftəri təkcə 7 ayını arxada qoyan 2024-cü ildə çox ağırdır və bu rejimin terror sahəsində nə qədər sərmayə qoyduğunu göstərir.
Bununla əlaqədar olaraq sionistlərin 2024-cü ildən etibarən törətdikləri terrorların bir hissəsinə toxunacağıq:
1. General “Seyid Rəzi Musəvi”yə qarşı sui-qəsd ardınca olan sionist rejimi uzun müddətdən sonra onu Suriyanın Dəməşq şəhərinin Zeynəbiyyə məntəqəsindəki mənzilində terrora məruz qoydu. Şəhid Seyid Rəzi Musəvi SEPAH-ın Qüds qüvvələrinin Suriyadakı komandirlərindən idi. O, bir neçə onilliklər ərzində Suriya və Livandakı müqavimət qüvvələrinin dəstəyi və maddi-texniki təminatına cavabdeh idi. (25.12.2023)
2. HƏMAS hərəkatının siyasi ofisinin sədr müavini “Saleh əl-Aruri” Beyrutun cənubunda baş verən partlayış nəticəsində terror olundu. ABŞ saytlarından biri Arurinin sui-qəsdi barəsində Bayden administrasiyasının Tel-Əvivlə iş birliyinin olması barədə məlumat verib. Bu ABŞ mediası ölkənin iki rəsmisinə istinadən yazıb ki, Livanın cənubunda HƏMAS-ın yüksək rütbəli rəsmisinin öldürülməsi ilə nəticələnən hücumun amili İsrail olub. Ərəb ekspertlərindən biri bu barədə deyib: “Sionist rejiminin baş naziri Qəzzə zolağına qarşı müharibədə hədəflərinin həyata keçməsində uğursuzluğa düçar olduqdan sonra HƏMAS-ın sədr müavini “Saleh əl-Aruri”yə qarşı sui-qəsd hazırladı ki, bununla da zədələnmiş imicini bərpa etsin.” (02.01.2024)
3. Livan müqavimət hərəkatının komandirlərindən biri olan “Vəssam Həsən Təvil” (Hacı Cavad) İsrail rejiminin Livanın cənubunda “Xirbə Səlim” məntəqəsində bir avtomobilə olan dron hücumu nəticəsində Qüds yolunda şəhid oldu. Sionist rejimi Livanın cənubunda komandir Həsən ət-Təvilin avtomobilini hədəfə alaraq onu şəhid etdi. Şəhid Vəssam ət-Təvil Hizbullaha bağlı olan “Rizvan batalyonu”nun komandirlərindən və cənubdakı əməliyyatların idarə olunmasına cavabdeh idi. (08.01.2024)
4. Sionist rejimi müqavimət qruplarının komandirlərindən olan “Abdullah Əbu Şəllal”ın İordan çayının qərb sahillərindəki Bəlatə düşərgəsində terrora məruz qaldığı barədə xəbər verdi. Əbu Şəllal yoldaşları ilə birlikdə Nablusda dron hücumundan baş verən partlayış zamanı şəhid oldu. (17.01.2024)
5. Yanvar ayının 20-si şənbə günü sionist rejiminə aid qırıcıların Dəməşqin qərbində yerləşən əl-Məzzə yaşayış məntəqəsinə hücumunda İslam İnqilabı Keşikçilər Korpusunun 5 müşaviri şəhid oldu. Höccətullah Ümidvar, Əli Ağazadə, Hüseyn Məhəmmədi, Səid Kərimi və Məhəmməd Əmin Səmədi bu terror hücumunda şəhadətə çatan 5 iranlı müşavir olublar. İslam Şurasının sədri “Məhəmməd Baqir Qalibaf” bu terror aktı barəsində deyib: Sionist rejimi Qəzzə meydanında itirilmiş ləyaqətini və əl-Əqsa Fırtınası əməliyyatının əvəzolunmaz uğursuzluğunu terror vasitəsi ilə bərpa etmək istəyir. (20.01.2024)
6. Sionist rejiminin xüsusi təyinatlıları Cenindəki İbn Sina xəstəxanasına daxil olduqdan sonra 3 gənci qətlə yetiriblər. Onlardan biri yaralanmış və çarpayıda müalicə olunurdu. (30.01.2024)
7. Sionist rejiminin ordusuna aid dronlar Livanın cənubunda yerləşən əl-Mücadil şəhərciyində minik avtomobillərindən birinə hücum ediblər. Bir raket atılan bu terror hücumu zamanı Hizbullah üzvlərindən 2 nəfər, o cümlədən əl-Həcir cəbhəsindəki qrupa cavabdehlik daşıyan “Həsən Hüseyn Səlami” şəhid olub. (26.02.2024)
İsrail rejimi tərəfindən Qəzzədə şəhid edilən “Həmzə əd-Dəhduh”la birlikdə jurnalist “Mustafa Sürəyya”nın terror olunduğu yerin görüntüsü medialarda yayıldı. Bu görüntüdə əsgərlər yaxud hərbi texnikalar görünmür. Buna baxmayaraq, İsrail rejimi o bölgədəki terror hücumunun onun qüvvələrini təhlükəyə saldığını iddia etmişdi. Həmzə və Mustafa müharibənin əvvəllərində Qəzzənin cənubuna olan istiqamətdə gedərkən İsrailin nəzarət məntəqələrindən keçiblər. (19.03.2024)
8. İslam İnqilabı Keşikçilər Korpusunun Qüds qüvvələrinin yüksək rütbəli komandirlərindən olan “Məhəmməd Rza Zahidi” İsrail rejiminin İranın Dəməşqdəki konsulluq binaya hava hücumu nəticəsində şəhid olub.
Şəhid Zahidi “Qüds ordusu”nun Suriya və Livandakı ən yüksək rütbəli komandiri idi. Bu şərafətli şəhid Beyrutda yaşayırdı və “Həsən Məhdəvi” kimi də tanınırdı. Onunla birlikdə digər 6 nəfər də şəhid olub. (01.04.2024)
9. Sionist rejiminin ordusu tərəfindən Qəzzə zolağının mərkəzində yerləşən Deyr əl- Bələhdə maşınlarının bombalanması nəticəsində Ümumdünya Mərkəzi Mətbəx Təşkilatının üzvləri terrora məruz qaldılar. (02.04.2024)
10. İsrail rejiminin ordusu və Şabak birlikdə bəyanat verərək qırıcıların dəqiq məlumatlar əsasında Qəzzənin mərkəzində Həniyənin övladlarına hücum etdiklərini açıqladılar. Yəmən Ənsarullah təşkilatının sözçüsü bu terror aktı barədə deyib: “İsmail Həniyənin ailəsini hədəfə almaq İsrail rejiminin meydandakı məğlubiyyətini göstərir.” (10.04.2024)
11. Fələstin Muxtariyyətinin təhlükəsizlik ünsürləri Tülkərm batalyonunun komandirlərindən olan “Əhməd Əbul-Foul”a qarşı sui-qəsd törətməkdən ötrü onun avtomobilinə atəş açdılar və nəticədə o, şəhid oldu. (02.05.2024)
Sionist rejiminin Qəzzənin mərkəzində yerləşən Cəbaliya düşərgəsinə hücumları və həmçinin İsrail ordusunun təhlükəsizlik bölmələrinin Rəfəhə girmələri ilə eyni vaxtda, bu rejim əvvəlki gecə İordan çayının qərb sahillərində yerləşən Cenin şəhərinə hava hücumu həyata keçirərək Cenin batalyonlarının komandirlərindən biri olan “İslam Xəmayesə”ni şəhid etdi. Sionistlərin Xənayesəni şəhid etməklə nəticələnən cinayətinin ardınca, bu şəhərdə ümumi tətil və matəm elan olundu. Fələstin Səhiyyə Nazirliyi sionist ordusunun Cenin düşərgəsinə olan hücumunda 1 nəfərin şəhid olduğunu və 8 nəfərin isə yaralandığını açıqladı. (18.05.2024)
12. Hizbulah müqavimət hərəkatı sionist rejiminin Livanın cənubunda yerləşən “Cuya” şəhərciyinə hava hücumunda “Talib Sami Abdullah”ın (Hacı Əbu Talib ləqəbli) şəhid olduğunu elan etdi. (12.06.2024)
13. “Əbu Nimə” kimi tanınan şəhid “Məhəmməd Nimə Nasir” İsrail rejiminin Livanın cənubundakı “Sur” bölgəsinə olan dron hücumunda şəhid olub. (12.06.2024)
“Yasir Nimr Qurunbuş” (Əbülfəzl və Hacı Əmin ləqəbli) İsrailin Suriya-Livan sərhədindəki terror hücumunda şəhid olub. Hacı Yasir Seyd Həsən Nəsrullahın keçmiş mühafizəçisi və Hizbullahın yüksək rütbəli üzvlərindən idi. O, 2000-ci ildə Mərcəiyyun mərkəzində Livanın cənubunun azad edilməsi əməliyyatına komandirlik edib və 2006-cı il döyüşlərində əl-Qənduriyyə mərkəzinə məsuliyyəti öhdəsinə götürüb. (09.07.2024)
14. Sionistlərin Beyrutun cənubunda həyata keçirdikləri terror hücumu nəticəsində Hizbullahın yüksək rütbəli komandirlərindən olan “Fuad Şükür” şəhid olub. Bundan əlavə, 2 nəfər Livan vətəndaşı da şəhid olub və 17 nəfər yaralanıb. (30.07.2024)
15. İran prezidenti “Məsud Pezeşkiyan”ın adiçmə mərasimində iştirak etmək üçün İrana gələn “Şəhid İsmail Həniyə” Tehranın şimalında veteranlar üçün nəzərdə tutulan iqamətgahların birində havadan atılan mərmi nəticəsində şəhid olub. (31.07.2024)
