New-York-da 11 Sentyabr hücumlarında təqsirləndirilən şəxslərin işinin araşdırılmasını öhdəsinə götürən Quantanamo Hərbi Komissiyasının məhkəmə işi göstərir ki, ABŞ-ın o vaxtkı hökümətinin Əfqanıstanla uzun müddətli müharibəyə başlamasına səbəb olan hadisənin təyyarə qaçıranlarından bəziləri CIA Casusuluq Təşkilatının agentlərindən olublar.
Xarici KİV-in verdiyi məlumata görə, bu sənəd əvvəlcə Quantanamo Körfəz Məhkəməsi tərəfindən dərc olunub. Amma ictimai olmasına baxmayaraq, tam şəkildə redaktə olunub.
Bu hesabata əsasən, bu hücumda təqsirləndirilən şəxslərin vəkillərinin istəyi ilə 11 Sentyabr hücumlarında Ərəbistan hökumətinin rolunun olması barədə şəxsən araşdırma aparan Quantanamo Hərbi Komissiyasının baş müstəntiqi “Don Canstraro”, bu terror hadisəsində CIA agentlərinin rolu barəsində hesabat yazıb.
Bu sənədə əsasən, 11 Sentyabr hücumunda təyyarə qaçıranlardan ikisi, CIA-nın yaxından nəzarəti altında olublar. Ehtimal edilir ki, oğurlanmış təyyarələrlə Dünya Ticarət Mərkəzinin binalarına hücumdan çox əvvəl CIA-ya işə götürüblər.
Bu hesabata əsasən, 11 Sentyabr hadisələrindən 20 ildən çox keçməsinə baxmayaraq, hələ də həll olmayan qalıcı sirlərin bir çoxunun arasından ola bilsin ki, ən böyüyü və ən ciddisi həmin günə 18 ay qalmış “Nəvvaf əl-Həzmi” və “Xalid əl-Mizar”-ın fəaliyyətləri ilə bağlı olsun.
Bu iki nəfər CIA və ABŞ Milli Təhlükəsizlik Agentliyi tərəfindən dəfələrlə Əl-Qaidənin ehtimal olnunan terrorçuları olaraq tanıtdırılmalarına baxmayaraq, onlar 2000-ci ilin Yanvar ayında çoxsaylı vizası ilə Amerika Birləşmiş Ştatlarına səfər ediblər.
Bu hesabata əsasən, Amerika Birləşmiş Ştatlarına daxil olmazdan bir neçə gün əvvəl, bu iki nəfər Kuala Lumpurda Əl-Qaidənin iclasında iştirak ediblər və bu iclasda çox güman ki, 11 Sentyabr hücumunun təfərrüatları barəsində söhbətlər olunaraq razılaşmalar əldə olunub.
Bu iclas, Usamə Bin Ladenin izinə düşmək üçün yaradılmış xüsusi bölmə olan CIA Təşkilatının Alec Station bölməsinin istəyi ilə Malayziya rəsmiləri tərəfindən gizli şəkildə foto və video lentə alınıb. Qəribəsi ondadır ki, bu iclasda heç bir səs yazısı qeydə alınmayıb.
Lakin, bu hadisə Həzminin və Əl-Mizarın Amerika Birləşmiş Ştatlarına daxil olmasının qarşısını almaq üçün kifayət etməli idi yaxud Federal Polisə (FTB) onların ABŞ-da olmaları barədə məlumat verilməsi kifayət idi. Buna baxmayaraq, bu iki nəfər Los-Anceles Beynəlxalq Hava Limanında heç bir bir problem olmadan 6 ay müddətinə qəbul edilib. Alec bölməsinin nümayəndələrinin bu məlumatı özlərin yuxarıda olanlara çatdırmaları CIA tərəfindən qadağan edilmişdi.
Alec bölməsinin üzvlərindən biri olan “Mark Rossini” həmkarları ilə apardığı müzakiərələri xatırlayaraq deyib: “Biz gərək bu barədə ofisə xəbər verəydik. Bu iki nəfər doğurdan da pis adam idilər. Onlardan birinin ən azı ABŞ üçün çoxsaylı vizası olub. Biz gərək FTB-i xəbərdar edərdik. Amma CIA mənə dedi ki, yox, bu FTB-nin işi deyil və FTB-nin səlahiyyətləri çərçivəsində deyil.”
Hesabata əsasən, Həzmi və Mizar fasiləsiz olaraq ölkəyə daxil olduqdan sonra hava limanının restoranında Kaliforniyada yaşayan səudiyyəli Ömər əl-Bəyumi adlı biri ilə qarşılaşıblar. O, növbəti iki həftə ərzində onlara San Dieqoda mənzil tapmağa kömək edib, icarə müqaviləsini imzalayıb, icarə üçün onlara 1500 dollar pul verib və onları məhəllə məscidinin imamı “Ənvər əl-Əvləqi” ilə tanış edib. Əvləqi 2011-ci ildə Yəməndə ABŞ-ın dron hücumunda öldürülüb.
Bu hesabata əsasən, 11 Sentyabr hadisələrindən sonra Bəyumi, Ərəbistanın bu hücumda əlinin olmasını araşdıran FTB araşdırmalarının diqqət mərkəzində olub. O, 2003-cü ildə verdiyi müsahibəsində iddia edib ki, Həzmi və Mizarla təsadüfən görüşüb. Onların ərəbcə danışdığını və ingiliscə danışa bilmədiklərini gördükdə, onlara kömək etmək qərarına gəlib.
Lakin, tədqiqatlar göstərdi ki, Bəyumi Ərəbistanın kəşfiyyat agenti və mümkün yaxud həqiqi terrorçuların idarəçiliyi ilə məşğul olan vəhhabi silahlılarının ABŞ-dakı geniş şəbəkəsinin bir hissəsi olub, ölkə xaricində Riyada qarşı müxalif olanların fəaliyyətinə nəzarət edib. Başqa bir məsələ budur ki, tədqiqat göstərir ki, çox böyük ehtimalla Bəyumi Ərəbistan hökuməti kimi 11 Sentyabr hücumları baş verməzdən əvvəl ondan xəbərdar olub.
Bu məlumat 2022-ci ilin Martına kimi camaatdan gizlədildi və o zaman Ağ evin istəyi ilə FTB-nin sənədlər toplusu üzə çıxarıldı. Yenicə dərc olunmuş Quantanamo Hərbi Komissiyasının işi də Bəyuminin Həzmi və Mizarla təmasda olması barədə, CIA-nın bu iki nəfərlə və onların ABŞ-da olduğu zaman fəaliyyətləriylə əlaqəsi, FTB-nin onların 2001-ci ilin Avqust ayının sonlarına kimi orada olmalarının üzə çıxarmasının qadağan oluması barədə daha çox faktları üzə çıxarıb.
Canstraro bu hesabatı, məxfi məlumatları nəzərdən keçirməklə, FTB və Pentaqon nümayəndələri ilə müsahibəsi əsasında hazırlayıb. Hesabatın məzmunu onu göstərir ki, CIA əl-Qaidədəki nüfuzunu gizlətmək üçün 11 Sentyabr barədə rəsmi tədqiqatların aparılmasına ciddi şəkildə mane olub.
11 Sentyabrdan sonrakı dövrdə ABŞ-ın, onun siyasətlərinin uğursuzluğunun ən əsas və ən ibtidai dəlillərindən biri o idi ki, adı çəkilən hadisədən 20 il keçməsinə baxmayaraq, bu hadisənin təfərrüatları dəqiq və aydın şəkildə Amerika xalqına, hətta dünya ictimaiyyətinə çatdırılmayıb.
Hələ aydınlaşmayıb ki, ABŞ-ın yüksək rütbəli siyasi elitasının əl-Qaidə və bu terror şəbəkəsinin rəhbəri Usamə bin Ladenlə gizli əlaqəsinin səbəbi nədir? Yaxud nəyə görə, 11 Sentyabr hadisəsi və bir neçə təyyarənin oğurlanması baş verən zaman, ABŞ-ın təhlükəsizlik orqanları və havadan müdafiə sistemləri bu qədər xəbərsiz olub, qəflətə düçar olublar? Bu arada, hadisə günü Dünya Ticarət binasında əhəmiyyətli sayda insanın olmamasının səbəbinin nə olduğu kimi bəzi şübhələrə də cavab verilməyib.
Həmçinin, ABŞ hökuməti nə üçün 11 Sentyabr hücumlarının 19 iştirakçısından 15-nin Səudiyyə Ərəbistanı vətəndaşı olması səbəbiylə bu ölkə ilə sərt davranmadığına və bunun müqabilində digər ölkələrə, o cümlədən İrana qarşı və onların əl-Qaidə ilə əlaqəli olmalarıyla bağlı davamlı ittihamlar irəli sürməsinə dair izahat verməyib?
Bu ittihamalrın hamısı, ABŞ hökumətinin ölkə və dünya ictimaiyyəti üçün 11 Sentyabr hadisəsinin müxtəlif tərəfləri ilə bağlı şəffaflıq zəmnində uğursuzluğunun göstəricisidir.
