Yəmən Milli Qurtuluş Hökumətinin Ali Siyasi Şurasının rəhbəri ABŞ-ın Yəməndəki sülhün qarşısının alınmasındakı roluna işarə edərək, Fələstin məsələsini müdafiəsi vacib olan İslamın birinci məsələsi olduğunu bildirib.
Yəmən Milli Qurtuluş Hökumətinin Ali Siyasi Şurasının rəhbəri Mehdi Əl-Məşət çərşənbə axşamı günü axşam, Qurban bayramı münasibətilə mesaj verməklə, vurğulayıb ki, ərəb və İslam xalqları vacib olan Həcc mərasimindən vəhdət üçün bir yol olaraq istifadə etməlidirlər.
Əl-Məşət müsəlmanların, daxili ixtilafları və müharibəni kənara qoymalarının vacibliyini bəyan edərək deyib: Millətimizin müharibə və mühasirənin başlamasından sonra ilk dəfə olaraq Allah evinə daxil olması dünyada hər bir müsəlmanın təbii haqqıdır. Ərəbistandan da istəyimiz budur ki, Həcc mərasimini siyasiləşdirməkdən əl çəksin.
O, Səudiyyə-BƏƏ koalisiyasının faydasız olaraq müharibəni davam etməsi və Yəmən mühasirəsinin ağırlaşmasının ardınca olmasına işarə edərək deyib: ABŞ öz müstəmləkəçi proqlamlarına görə, sülhə gedən hər bir həll yolunun qarşısını alır. İşğal olunmuş vilayətlərdə baş tutan bütün tədbirlər ABŞ-ın planları və məntəqədəki mövcudluğunu qanuniləşdirməsi çərçivəsindədir.
Xarici TV kanallardan biri May ayında ABŞ-ın Yəməndəki nəzarəti barəsində olan “Təsəllüt” adlı sənədli bir film yayımladı. Bu sənədli filmdə təhlükəsizlik və hərbi bölmələrdə fəaliyyət göstərən Yəmənin bir sıra keçmiş məmurları ABŞ-ın müdaxilələri və bu ölkənin Yəmənə qarşı fitnə-fəsadı barədə danışıblar. Həmçinin 21 Sentyabr çevrilişindən əvvəl ABŞ-ın ən təhlükəli nəzarət vasitələrinin təfərrüatı və məlumatları bu sənədli filmdə yayımlanıb.
Yəmən xalqı 2014-cü ildə istefa vermiş prezident Əbdül Rəbbuh Əl-Hadi hökumətinin ölkə işlərinin idarəsindəki səriştəsizliyinə və ABŞ-ın bu ölkəyə müdaxilələrinə görə, kütləvi etirazlara başladılar. Nəticədə 2014-cü ilin Sentyabr ayının 21-də Mənsur Hadi kənarlaşdırıldı və Ənsarullah qüvvələri Sənanın nəzarətini ələ aldılar.
Bu sənədli filmdə ABŞ hərbiçilərinin Yəmən ordusu arasındakı fəaliyyətlərinə məxsus görüntülər yayımlanıb. Amerikalılar yəmənli hərbiçilərə təlim pərdəsi altında öz planlarını həyata keçirirdilər. ABŞ dəniz piyadaları da Qərb sahillərində Yəmən bölmələrinə təlim keçirmişlər.
Əl-Məşətə istinadən verilən məlumata görə, Yəmən rəhbərləri, xalqı və ordusu ölkənin dəniz, quru və hava suverənliyinə qarşı güzəştə getməyəcəklər, təcavüz və mühasirəni qəbul etməyəcəklər. Əksinə, Yəmən ordusu ölkə resurslarını himayə edəcək.
O, Yəmən xalqının bu ölkənin resurslarından məhrum etməyin cavabsız qalmayacağı barədə ABŞ-a xəbərdalıq edərək deyib: Fələstin bütün ərəb və İslam xalqlarının əsas məsələsi və bütün müsəlmanları himayə edən ilk səngərdir. Fələstin xalqına yardım yetirmək və İslam azadələrini himayə etmək barədə mövqeyimiz sabitdir.
Ötən May ayında da BMT-nin Yəmən məsələləri üzrə xüsusi nümayəndəsi Hans Qrundberqi qəbul edən Əl-Məşət ABŞ və İngiltərənin rolu barədə deyib: Hadisələr sübut edib ki, ABŞ və İngiltərə Yəməndə sülhün bərqərar olması üçün göstərilən hər növ səy müqabilində maneə yaradırlar. Bu məsəslə hər iki ölkənin siyasi və iqtisadi mənfəətlərinə görədir. Razılaşmalar əldə etdiyimiz vaxt, ABŞ öz mənfur elçisini məntəqəyə göndərir və bu səyləri puç edir.
O, ABŞ və İngiltərənin Yəməndə gərginlik yaratmaq üçün göstərdikləri səylərə nisbətən xəxrdalıq edərək sözlərinin davamında deyib: Əgər Yəməndə yenidən gərginlik baş verərsə, bütün dünyanın zərərinə olacaq. Yəmənin yeni gərginliyə daxil olmasını, ABŞ və İngiltərənin canlarını sağ qurtarmalarını qəbul etməyəcəyik.
Əl-Məşət Yəmənin sülh və eyni halda müharibə üçün qat-qat hazırlıqlı olduğunu elan etməklə yanaşı deyib: Biz öz ölkəmizin, azadlığımızın və müstəqilliyimizin müdafiəsində dayanmışıq. ABŞ, İngiltərə, separatçıların bütün iddiaları batildir və Yəməndəki birliyin siyasi deyil, xalq birliyi olduğunu göstərir.
